Ураджэнку Беларусі Дашу Някрасаву, якая жыве ў ЗША, дадалі ў склад акцёрскай групы фільма «Матэрыялісты», праца над якім стартавала пад эгідай дыстрыб'ютарскай кампаніі А24 у лютым 2024 года, паведамляе сайт «Беларусь і свет».
Пра стужку пакуль вядома мала: паводле характару гэта рамантычная камедыя, дзеянне якой адбываецца ў Нью-Ёрку, а сюжэт будуецца на ўзаемаадносінах прафесійнай свахі, багатага мужчыны, якога яна толькі што сустрэла, і яе былога партнёра.
У галоўных ролях занятыя зоркі Дакота Джонсан («Пяцьдзясят адценняў шэрага», «Мадам Павуцінне»), Крыс Эванс («Фантастычная чацвёрка», «Каралі вуліц») і Пэдра Паскаль («Гульня тронаў», «Мандалорац»).
Карціну здымае канадска-амерыканская рэжысёрка з паўднёвакарэйскімі каранямі Селін Сон. Яе дэбютны фільм «Мінулыя жыцці» атрымаў у 2024 годзе дзве намінацыі на «Оскар» — як найлепшы фільм і за найлепшы арыгінальны сцэнар.
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце19
Каментары