Завочны суд над Франакам Вячоркам пачнецца ў апошні дзень вясны
Судзіць дарадцу Святланы Ціханоўскай будуць у Мінскім гарадскім судзе. Працэс будзе весці суддзя Валянціна Зянкевіч, піша «Вясна».
Франак Вячорка
35-гадоваму палітыку інкрымінавана дзевяць артыкулаў Крымінальнага кодэкса:
- ч. 3 арт. 130 (распальванне іншай сацыяльнай варожасці і варажнечы),
- ч. 1 арт. 293 (арганізацыя масавых беспарадкаў, якія суправаджаліся гвалтам над асобай, пагромамі, падпаламі, знішчэннем маёмасці або ўзброеным супрацівам прадстаўнікам улады),
- ч. 1 арт. 342 (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх),
- ч. 1 арт. 356 (здрада дзяржаве),
- ч. 1 арт. 357 (змова ці іншыя дзеянні, учыненыя з мэтай захопу дзяржаўнай улады),
- ч. 3 арт. 361 (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Беларусі),
- ч.1 і 2 арт. 361-1 (стварэнне экстрэмісцкага фарміравання альбо ўдзел у ім, у тым ліку паўторна),
- ч. 2 арт. 367 (паклёп у дачыненні да Лукашэнкі),
- арт. 369-1 (дыскрэдытацыя Рэспублікі Беларусь).
«Хай падавяцца сваёй спецвытворчасцю і сваімі артыкуламі», — так пракаментаваў «Позірку» пачатую ў лютым спецвытворчасць Вячорка.
На яго думку, «правасуддзе ўсё роўна наступіць, і ўсе, хто стаяць за ліпавымі абвінавачваннямі, справамі і прысудамі, катаваннямі і арыштамі, будуць несці адказнасць».
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары