Слуханні па крымінальнай справе супраць Трампа завершаныя. Вердыкт вынесуць прысяжныя
Слуханні расцягнуліся амаль на паўтара месяца.
У Нью-Ёрку завяршыліся слуханні ў рамках гістарычнага крымінальнага працэсу над былым прэзідэнтам ЗША Дональдам Трампам, якога абвінавачваюць у фальсіфікацыі фінансавай справаздачнасці з мэтай схаваць ад выбаршчыкаў выплату порнаактрысе Стормі Дэніелс напярэдадні выбараў 2016 года, піша Бі-бі-сі.
Слуханні расцягнуліся амаль на паўтара месяца. Для высвятлення ўсіх падрабязнасцяў справы ў суд былі выкліканыя ключавыя сведкі (у тым ліку сама Дэніелс), якіх па чарзе дапытвалі як пракуроры, так і адвакаты экс-прэзідэнта. Трамп таксама ўвесь час знаходзіўся ў зале.
У аўторак суд выслухаў заключныя аргументы бакоў. Звычайна слуханні завяршаліся каля 16:30, але ў апошні дзень зацягнуліся да 8 вечара.
Адвакат Трампа Тод Бланш выступаў каля трох гадзін, прадстаўнік акруговай пракуратуры Манхэтэна Джошуа Стэйнглас — больш за пяць.
Суддзя Хуан Мерчан падзякаваў прысяжным за гатоўнасць застацца да вечара і паабяцаў даць ім апошнія інструкцыі ў сераду, пасля чаго яны павінны адправіцца абмяркоўваць вердыкт.
Іх задача — даць адказ на галоўнае пытанне: ці ўдалося пракурорам даказаць віну Трампа ў фальсіфікацыі дзелавой дакументацыі перад выбарамі.
Для абвінаваўчага або апраўдальнага прысуду неабходны аднагалосны вердыкт усёй Калегіі прысяжных.
Дональда Трампа абвінавачваюць у фальсіфікацыі дзелавой дакументацыі, на падставе якой ажыццяўлялася выплата 130 тысяч даляраў Стормі Дэніелс напярэдадні прэзідэнцкіх выбараў 2016 года.
Дэніелс сцвярджала, што ў іх з Трампам быў сэкс у 2006 годзе, і былы адвакат прэзідэнта Майкл Коэн заплаціў ёй, каб яна маўчала пра гэта.
Абвінавачванне сцвярджае, што Трамп сфальсіфікаваў дакументацыю, калі кампенсаваў Коэну выдаткаваныя грошы, аформіўшы гэта як аплату юрыдычных паслуг.
Трамп не прызнаў віну ні па адным з 34 пунктаў абвінавачвання, а таксама адмаўляў той факт, што ў яго быў сэкс з Дэніелс.
У аўторак бакі абвінавачвання і абароны выступілі з заключнымі аргументамі, паспрабаваўшы пераканаць прысяжных у вінаватасці або невінаватасці былога прэзідэнта.
Кіраўнік юрыдычнай каманды Трампа Тод Бланш заявіў, што яго кліент стаў ахвярай шантажу з боку порнаактрысы, якая спрабавала вымагаць у яго грошы, пагражаючы апублікаваць нібыта выдуманую ёй гісторыю.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары