Śviet

Słuchańni pa kryminalnaj spravie suprać Trampa zavieršanyja. Vierdykt vyniesuć prysiažnyja

Słuchańni raściahnulisia amal na paŭtara miesiaca.

Donald Tramp. Curtis Means / Pool Photo via AP 

U Ńju-Jorku zaviaršylisia słuchańni ŭ ramkach histaryčnaha kryminalnaha pracesu nad byłym prezidentam ZŠA Donaldam Trampam, jakoha abvinavačvajuć u falsifikacyi finansavaj spravazdačnaści z metaj schavać ad vybarščykaŭ vypłatu pornaaktrysie Stormi Denijełs napiaredadni vybaraŭ 2016 hoda, piša Bi-bi-si.

Słuchańni raściahnulisia amal na paŭtara miesiaca. Dla vyśviatleńnia ŭsich padrabiaznaściaŭ spravy ŭ sud byli vyklikanyja klučavyja śviedki (u tym liku sama Denijełs), jakich pa čarzie dapytvali jak prakurory, tak i advakaty eks-prezidenta. Tramp taksama ŭvieś čas znachodziŭsia ŭ zale.

U aŭtorak sud vysłuchaŭ zaklučnyja arhumienty bakoŭ. Zvyčajna słuchańni zaviaršalisia kala 16:30, ale ŭ apošni dzień zaciahnulisia da 8 viečara.

Advakat Trampa Tod Błanš vystupaŭ kala troch hadzin, pradstaŭnik akruhovaj prakuratury Manchetena Džošua Stejnhłas — bolš za piać.

Sudździa Chuan Mierčan padziakavaŭ prysiažnym za hatoŭnaść zastacca da viečara i paabiacaŭ dać im apošnija instrukcyi ŭ sieradu, paśla čaho jany pavinny adpravicca abmiarkoŭvać vierdykt.

Ich zadača — dać adkaz na hałoŭnaje pytańnie: ci ŭdałosia prakuroram dakazać vinu Trampa ŭ falsifikacyi dziełavoj dakumientacyi pierad vybarami.

Dla abvinavaŭčaha abo apraŭdalnaha prysudu nieabchodny adnahałosny vierdykt usioj Kalehii prysiažnych.

Donalda Trampa abvinavačvajuć u falsifikacyi dziełavoj dakumientacyi, na padstavie jakoj ažyćciaŭlałasia vypłata 130 tysiač dalaraŭ Stormi Denijełs napiaredadni prezidenckich vybaraŭ 2016 hoda.

Denijełs śćviardžała, što ŭ ich z Trampam byŭ seks u 2006 hodzie, i były advakat prezidenta Majkł Koen zapłaciŭ joj, kab jana maŭčała pra heta.

Abvinavačvańnie śćviardžaje, što Tramp sfalsifikavaŭ dakumientacyju, kali kampiensavaŭ Koenu vydatkavanyja hrošy, aformiŭšy heta jak apłatu jurydyčnych pasłuh.

Tramp nie pryznaŭ vinu ni pa adnym z 34 punktaŭ abvinavačvańnia, a taksama admaŭlaŭ toj fakt, što ŭ jaho byŭ seks z Denijełs.

U aŭtorak baki abvinavačvańnia i abarony vystupili z zaklučnymi arhumientami, pasprabavaŭšy pierakanać prysiažnych u vinavataści abo nievinavataści byłoha prezidenta.

Kiraŭnik jurydyčnaj kamandy Trampa Tod Błanš zajaviŭ, što jaho klijent staŭ achviaraj šantažu z boku pornaaktrysy, jakaja sprabavała vymahać u jaho hrošy, pahražajučy apublikavać nibyta vydumanuju joj historyju.

Kamientary

Ciapier čytajuć

«Heta maja mara ź dziacinstva». Na kastynh «Mis Biełaruś» pryjšła dziaŭčyna, jakaja pracuje ŭ turmie Mahilova24

«Heta maja mara ź dziacinstva». Na kastynh «Mis Biełaruś» pryjšła dziaŭčyna, jakaja pracuje ŭ turmie Mahilova

Usie naviny →
Usie naviny

Ceny na limony padskočać praz deficyt2

Jakoje žyllo kupić, kab jano prynosiła dachod — ekśpiert daje parady1

Dźvie maładyja sudździ zvolnilisia pa ŭłasnym žadańni13

U Minsku pradajuć adnapakajovuju kvateru sa śmiećciepravodam prosta na kuchni6

Niaviestkaj novaha prezidenta Siryi akazałasia hramadzianka Rasii2

Biełaruska raspačała čelendž: vydatkoŭvać na ježu tolki $20 na miesiac. Što atrymałasia?11

U Italii biełarusaŭ atakavali paśla DTZ z paciarpiełym padletkam3

20-hadovy biełaruski forvard padpisaŭ kantrakt navička z kłubam NCHŁ

Śpiavačka Meryjem Hierasimienka ščyra raskazała pra razychod z mužam praz hod paśla viasiella33

bolš čytanych navin
bolš łajkanych navin

«Heta maja mara ź dziacinstva». Na kastynh «Mis Biełaruś» pryjšła dziaŭčyna, jakaja pracuje ŭ turmie Mahilova24

«Heta maja mara ź dziacinstva». Na kastynh «Mis Biełaruś» pryjšła dziaŭčyna, jakaja pracuje ŭ turmie Mahilova

Hałoŭnaje
Usie naviny →

Zaŭvaha:

 

 

 

 

Zakryć Paviedamić