Паводле Службы аховы дзяржаўнай мяжы, у суботу каля 21:00 памежнікі праводзілі аперацыю па пошуку кантрабандыстаў у наваколлях вёскі Паўдрыёніс Салечніцкага раёна недалёка ад мяжы з Беларуссю. На дарозе яны заўважылі аўтамабіль VW Passat. Калі літоўскія памежнікі паспрабавалі спыніць кіроўцу, той павялічыў хуткасць.
Памежнікі пачалі пераслед.
Непадалёк на дарозе аказаўся яшчэ адзін пагранічнік у форме. Як мяркуецца, уцякач паспрабаваў яго збіць. Па першапачатковых даных, каб пазбегнуць пагрозы здароўю і жыццю і для таго, каб спыняе уцекача, які ўяўляе небяспеку, памежнік зрабіў адзін стрэл з табельнай зброі ў шыну аўтамабіля.
Праз некаторы час аўтамабіль спыніўся. На сядзенні кіроўцы быў знойдзены грамадзянін Літвы, смяротна паранены стрэлам з пісталета.
У машыне знаходзіліся пакаванні з меркавана кантрабанднымі цыгарэтамі.
Паліцыя пачала дасудовае расследаванне. Служба аховы дзяржаўнай мяжы праводзіць службовае расследаванне гэтага інцыдэнту.
Цяпер чытаюць
«Людзі хочуць перамоваў з тымі, хто марыць іх знішчыць фізічна». Гутарка з Аляксандрам Кабанавым пра жыццё, «Белпол» і разыходжанне з Пятрухіным3
Каментары
Але так ня было, ніколі ня бывае адпаведна словаў міліцыі.
А цяпер, чытач, прайдзі маральны тэст. Ці зменіцца тваё стаўленьне да забойства, калі памяняць міліцыю (памежнікаў, я ня знаюся ў гатунках) Летувы на міліцыю РБ і наадварот.
Як так, зьменіцца, тады... з рэшты, варушы ўжо мазгамі, чытач.