Улады Рэспублікі Сербскай хочуць перайменаваць Срэбраніцу, каб пазбегнуць напаміну пра генацыд
У ліпені 1995 года сербскія вайскоўцы пад камандаваннем Ратка Младзіча забілі там больш за восем тысяч баснійскіх мусульман.
Улады Рэспублікі Сербскай хочуць перайменаваць Срэбраніцу, каб пазбегнуць напаміну пра генацыд, піша Bild.
У ліпені 1995 года сербскія вайскоўцы пад камандаваннем генерала Ратка Младзіча забілі ў Срэбраніцы больш за восем тысяч баснійскіх мусульман. Гэтыя падзеі ўвайшлі ў гісторыю як разня ў Срэбраніцы, Міжнародны трыбунал па былой Югаславіі і Міжнародны суд ААН прызналі іх актам генацыду. Парламент Сербіі толькі ў 2010 годзе асудзіў разню, але адмовіўся прызнаваць яе генацыдам.
Цяпер мясцовыя ўлады хочуць перайменаваць абшчыну, каб пазбавіцца ад негатыўных асацыяцый.
«З-за ўсёй хлусні, якая распаўсюджваецца пра Срэбраніцу, нашы людзі выступілі з ініцыятывай перайменаваць муніцыпалітэт», — заявіў Міларад Додзік, прэзідэнт Рэспублікі Сербскай, якая ўваходзіць у склад Босніі і Герцагавіны.
Сербскі мэр горада Младэн Груічыч растлумачыў, што рэпутацыя Срэбраніцы «заплямленая», што адпужвае турыстаў і інвестараў.
На прапанову аб перайменаванні абшчыны адрэагавалі ў асацыяцыі «Маці анклаваў Срэбраніцы і Жэпы».
«Вы можаце змяніць назвы гарадоў, але вы не можаце схаваць праўду аб Срэбраніцы», — заявілі там.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары