У Беларусі пачалі прадаваць першыя чарніцы. Цэны ў рэгіёнах моцна розняцца
Беларусы накіраваліся ў лясы для збору чарніц на продаж. Ужо цяпер на рынку і па аб'явах можна набыць некалькі літраў свежых чэрвеньскіх ягад. Выданне Telegraf.news паглядзела, колькі каштуе літр чарніц у розных рэгіёнах.
Найбольшая колькасць аб'яў аб продажы чарніц можна знайсці ў Брэсцкай вобласці. Так, на Брэсцкім калгасным рынку кошт за літр чарніц вагаецца ў межах 12-14 рублёў за літр.
Танней можна купіць чарніцы на «Куфры». Там прадаюць як ужо сабраныя ягады, так і прапануюць паслугі па зборы свежых чарніц.
У сярэднім за літр чарніц на Брэстчыне просяць ад 9 да 10 рублёў. Аднак у некаторых рэгіёнах купіць літр свежых ягад можна танней. Так, у Століне прапануюць сабраць літр свежых чарніц усяго за 7 рублёў.
У Мінскай вобласці таксама ўжо збіраюць чарніцы, аднак абыйдуцца яны даражэй. У прыватнасці, у Смалявічах прапануюць купіць паўлітра чарніц за 8 рублёў.
У сталіцы прапануюць да продажу не толькі чарніцы, але і суніцы, якія, дарэчы, мяркуючы па фота, яшчэ крыху не даспелі. Цана дагаворная.
У Гомельскай вобласці прадаюць чарніцы ў Калінкавічах. Там за літр ягад просяць 10 рублёў.
Пад Гродна таксама прыступілі да збору і продажу чарніц. Так, напрыклад, у Астраўцы прадаюць літр за 10 рублёў.
У Магілёве сезон збору чарніц яшчэ не стартаваў, аднак адпаведныя паслугі некаторыя ўжо размясцілі на платформе «Куфар». Цэннік рэкордна высокі — 25 рублёў за літр.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню39
Каментары