U Biełarusi pačali pradavać pieršyja čarnicy. Ceny ŭ rehijonach mocna roźniacca
Biełarusy nakiravalisia ŭ lasy dla zboru čarnic na prodaž. Užo ciapier na rynku i pa abjavach možna nabyć niekalki litraŭ śviežych červieńskich jahad. Vydańnie Telegraf.news pahladzieła, kolki kaštuje litr čarnic u roznych rehijonach.
Najbolšaja kolkaść abjaŭ ab prodažy čarnic možna znajści ŭ Bresckaj vobłaści. Tak, na Bresckim kałhasnym rynku košt za litr čarnic vahajecca ŭ miežach 12-14 rubloŭ za litr.
Tańniej možna kupić čarnicy na «Kufry». Tam pradajuć jak užo sabranyja jahady, tak i prapanujuć pasłuhi pa zbory śviežych čarnic.
U siarednim za litr čarnic na Brestčynie prosiać ad 9 da 10 rubloŭ. Adnak u niekatorych rehijonach kupić litr śviežych jahad možna tańniej. Tak, u Stolinie prapanujuć sabrać litr śviežych čarnic usiaho za 7 rubloŭ.
U Minskaj vobłaści taksama ŭžo źbirajuć čarnicy, adnak abyjducca jany daražej. U pryvatnaści, u Smalavičach prapanujuć kupić paŭlitra čarnic za 8 rubloŭ.
U stalicy prapanujuć da prodažu nie tolki čarnicy, ale i sunicy, jakija, darečy, miarkujučy pa fota, jašče krychu nie daśpieli. Cana dahavornaja.
U Homielskaj vobłaści pradajuć čarnicy ŭ Kalinkavičach. Tam za litr jahad prosiać 10 rubloŭ.
Pad Hrodna taksama prystupili da zboru i prodažu čarnic. Tak, naprykład, u Astraŭcy pradajuć litr za 10 rubloŭ.
U Mahilovie siezon zboru čarnic jašče nie startavaŭ, adnak adpaviednyja pasłuhi niekatoryja ŭžo raźmiaścili na płatformie «Kufar». Ceńnik rekordna vysoki — 25 rubloŭ za litr.
Ciapier čytajuć
Žančynie, jakaja vyhuknuła ŭ fiłarmonii «Słava Ukrainie!», dali 20 sutak12
Žančynie, jakaja vyhuknuła ŭ fiłarmonii «Słava Ukrainie!», dali 20 sutak
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3131
Kamientary