Экс-намеснік Ціханоўскай Валер Кавалеўскі стварыў Агенцтва еўраатлантычнага супрацоўніцтва
Абвяшчаецца, што Агенцтва адкрытае для партнёрства з рознымі беларускімі і міжнароднымі ўдзельнікамі.
«Сёння мы абвяшчаем пра пачатак дзейнасці Агенцтва еўраатлантычнага супрацоўніцтва для дасягнення інтэграцыі незалежнай, суверэннай, дэмакратычнай Беларусі ў склад еўраатлантычнай супольнасці», — напісаў ён у сваім фэйсбуку.
Па яго словах АЕС з'яўляецца незалежнай, нацэленай на вынік камандай з экспертызай у галіне міжнародных адносін і камунікацый.
«Мы будзем працаваць з урадамі, міжнароднымі арганізацыямі, дэмакратычным рухам, аналітычнай супольнасцю і СМІ. Мы базуемся ў Варшаве і дзейнічаем у розных краінах», — зазначае экс-намеснік Святланы Ціханоўскай.
«Мэты і задачы АЕС з'яўляюцца актуальнымі і складанымі і патрабуюць сумесных намаганняў на ўсіх этапах. З гэтай мэтай Агенцтва адкрытае для партнёрства з рознымі беларускімі і міжнароднымі ўдзельнікамі», — дадаў ён.
Валер Кавалеўскі названы выканаўчым дырэктарам АЕС, дарадцам па замежнай палітыцы з'яўляецца Антон Пянькоўскі, Кірыл Данько — дырэктарам па камунікацыях.
***
Валер Кавалеўскі ў Аб'яднаным пераходным кабінеце быў намеснікам Святланы Ціханоўскай па міжнародных справах. Ён пакінуў Кабінет у канцы чэрвеня.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х77
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х7
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары
Каб фондам галаву дурыць?
Сапраўдны лукашэнкаўскі дыпламат.