У інтэрв'ю тэлеканалу «Расія» Лукашэнка сярод іншага паразважаў пра саюзніцкія адносіны з Расіяй і нагаварыў шмат прыемных для расіян слоў.
Адказваючы на пытанне прапагандыста Яўгенія Папова адносна таго, як далей развіваць беларуска-расійскую інтэграцыю, Лукашэнка адказаў, што трэба ісці слядамі яго самога і Пуціна. Маўляў, лепш чым іхнія адносіны, лепш нічога і быць не можа, і гэта прыклад для народаў.
Хоць пры гэтым Лукашэнка мусіў усё ж згадаць і пра частыя рознагалоссі ў гэтых адносінах, якія былі ў мінулыя гады. Аднак жа спісаў гэта на розныя падкопы з боку старонніх элементаў, у тым ліку расійскіх СМІ і нават вайскоўцаў. Якія нібыта скептычна ставіліся да ягоных колішніх словаў, што прыйдуць маўляў, часы — «і будзем адстрэльвацца спіна да спіны».
А цяпер, маўляў, усё ўсім зразумела, і сам Пуцін прасіў Лукашэнку пасля пачатку вайны з Украінай прыкрыць яго са спіны. І Лукашэнка прыкрыў, адправіўшы на сутык межаў Беларусі, Украіны і Польшчы, як ён сам сказаў, «паўарміі».
Пры гэтым Лукашэнка дагаварыўся нават да таго, што адмовіў беларусам у якой-небудзь увогуле адметнасці.
«Як некаторыя гавораць — мы рускія людзі, чым мы адрозніваемся? А нічым».
Свае колішнія словы пра тое, што, маўляў, «беларусы — рускія са знакам якасці», ён цяпер назваў жартам, і паўтарыў пасля таго яшчэ раз, што ніякіх адрозненняў паміж беларусамі і рускімі, маўляў, няма.
Цяпер чытаюць
Блогерка правярае чысціню і якасць прадуктаў у мінскіх крамах. Падабаецца гэта не ўсім1
Каментары
Бедные народы! Как им НЕ повезло!
Они, вместе с лукашенко, засучив рукава, строят скотный двор русского мира России, на месте беларуской Беларуси.