Генпракуратура Украіны пачала расследаванне імавернага абезгалоўлівання ўкраінскага воіна
У пятніцу ў сацсетках распаўсюдзілі відэа, на якім расіяне дэманструюць галаву нібыта ўкраінскага вайскоўца, якую насадзілі на кол.
У рамках расследавання праваахоўнікі правяраюць такую інфармацыю і звязаныя з ёй абставіны, паведамляе РБК-Украіна.
«Распаўсюд прадстаўнікамі Расіі такога відэа яшчэ раз сведчыць аб іх поўным грэбаванні нормаў і прынцыпаў міжнароднага гуманітарнага права», — падкрэслілі ў Офісе генпракурора.
Дасудовае расследаванне пачата па факце парушэння законаў і звычаяў вайны, якое звязана з наўмысным забойствам.
Па звестках праекта DeepState, жорсткае відэа знялі байцы падраздзялення 155-й асобнай гвардзейскай брыгады марской пяхоты УС РФ.
Інцыдэнт, імаверна, прайшоў на КПП «Калацілаўка» ў Белгарадскай вобласці, дзе нібыта была няўдалая спроба прарыву ўкраінскіх абаронцаў.
Цяпер чытаюць
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода17
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары