«Байпол»: Праз польскія барахолкі прадаюцца рэшткі маёмасці, у якой няма патрэбы
Аб'яднанне сілавікоў адказала на прэтэнзіі інтэрнаўтаў.
«Байпол» паспрабаваў патлумачыць, чаму маёмасць арганізацыі прадаецца на польскіх анлайн-барахолках.
Былыя сілавікі расказваюць, што частку сваёй непатрэбнай маёмасці раздавалі бясплатна: «Частка была перададзена адной з беларускіх дэмакратычных арганізацый, якая пажадала захаваць сваю ананімнасць. Каманда «Байпол» за перыяд свайго існавання бязвыплатна перадавала вайсковую экіпіроўку ў Гданьскую, Уроцлаўскую, Беластоцкую, Варшаўскую, Віленскую харугву, падраздзяленню «Атам», асобным байцам палка імя Каліноўскага і батальёна «Тэрор». Гэта можа быць пацверджана адпаведнымі дакументамі і сведчаннямі саміх байцоў».
Разам з тым «Байпол» прызнае, што сапраўды прадае тэхніку і ваенную экіпіроўку праз польскія сэрвісы — але, маўляў, толькі тую, у якой няма патрэбы:
«Сярод выстаўленага на продаж, у тым ліку маюцца прадметы ваеннай экіпіроўкі, якія прызначалася і для плана «Перамога» ў першым яго варыянце. У сувязі з тым, што гэты варыянт плана не прайшоў унутраны аўдыт, быў распрацаваны альтэрнатыўны праект, а неабходнасць у частцы маёмасці і экіпіроўкі адпала».
Куды пойдуць заробленыя ад продажу грошы? На дзейнасць «Байпола».
Каманда Аляксандра Азарава не ўпусціла нагоды, каб заявіць, што інфармацыю пра распродаж тэхнікі «распаўсюдзілі агенты ўплыву рэжыму і некаторыя маргінальныя блогеры». «Спроба хайпу, як мы бачым, аказалася гучнай, хоць і нязграбнай. Але, будзем спадзявацца, куратары з Мінска ацэняць хаця б гэтыя старанні», — падсумоўвае «Байпол».
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Люды, перемоги не будэ. Не будэ перемоги у травни, пьятнаццатого травня.