«За апошнія шэсць дзён праціўнік не прасунуўся ні на метр у кірунку Пакроўска» — Сырскі
Галоўнакамандуючы Узброеных сілаў Украіны Аляксандр Сырскі даў эксклюзіўнае інтэрв'ю тэлеканалу CNN, якое стала для яго першым тэлевізійным інтэрв'ю з моманту прызначэння на пасаду. У ім Сырскі даволі падрабязна крануўся пытання ўкраінскай аперацыі ў расійскай Курскай вобласці, ацаніўшы яе як паспяховую, паколькі яна дазволіла спыніць наступленне расійскай арміі.
Паводле слоў Сырскага, Расія планавала пачаць новую атаку на Украіну з Курскай вобласці перад наступленнем украінскіх войскаў на яе месяц таму, але ўкраінцы іх апярэдзілі.
«Гэта знізіла пагрозу варожага наступу. Мы не далі ім дзейнічаць. Мы перанеслі баявыя дзеянні на тэрыторыю праціўніка, каб [вораг] мог адчуць тое, што адчуваем мы кожны дзень», — сказаў Сырскі.
Ён таксама выклаў асноўныя мэты аперацыі: не даць Расіі выкарыстоўваць Курск у якасці плацдарма для новага наступу, адцягнуць сілы Масквы ад іншых раёнаў, стварыць зону бяспекі і прадухіліць абстрэл грамадзянскіх аб'ектаў праз мяжу, а таксама захапіць ваеннапалонных і падняць маральны дух украінскіх войскаў і краіны ў цэлым.
У інтэрв'ю, якое было запісана ў сакрэтным месцы недалёка ад лініі фронту, генерал адзначыў, што Масква перакінула ў Курск дзясяткі тысяч салдат, уключаючы свае найлепшыя падраздзяленні.
Сырскі прызнаў, што Украіна знаходзіцца пад велізарным ціскам у раёне Пакроўска на ўсходзе Украіны, аднак украінскім войскам, з ягоных слоў, удалося спыніць расійскі наступ на гэтым кірунку.
«За апошнія шэсць дзён праціўнік не прасунуўся ні на метр у кірунку Пакроўска. Іншымі словамі, наша стратэгія працуе», — заявіў ён.
«Мы пазбавілі іх магчымасці манеўраваць і перакідваць сілы з іншых кірункаў […] І гэта паслабленне яўна адчуваецца на іншых напрамках. Мы адзначаем, што колькасць артылерыйскіх абстрэлаў, а таксама інтэнсіўнасць наступу знізіліся», — адзначыў Сырскі.
Пуцін назваў «святым абавязкам» выціснуць УСУ з Курскай вобласці
Зяленскі заявіў, што землі на Куршчыне Украіне не патрэбныя, але іх будуць утрымліваць
Беларусаў заклікаюць перадаваць на дапамогу Курскай вобласці Расіі ўсё: і трусы са шкарпэткамі, і нават муку
Пуцін паабяцаў разабрацца з «бандытамі, якія забраліся ў Курскую вобласць»
Столтэнберг: Наступ УСУ пад Курскам законны
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары