Расійскі блогер Глебас (Глеб Дзямідаў) расказаў у сваім ютуб-канале, што наступныя 10 гадоў ён будзе неўязны ў Беларусь.
Глеба Дзямідава затрымалі ў Мінску месяц таму, 12 жніўня. Міліцыю зацікавілі два ролікі, якія Глеб Дзямідаў зняў у беларускай сталіцы і апублікаваў у тыктоку.
На першым роліку блогер увайшоў у кабіну тралейбуса на прыпынку недалёка ад вакзала і збянтэжыў жанчыну-кіроўцу. На другім — гучна расказаў нецэнзурны анекдот у вагоне метро.
У выніку сілавікі запісалі з Глебасам сваё відэа, на якім прымусілі блогера папрасіць прабачэння за тое, што ён «даў няправільны прыклад моладзі».
Акрамя таго, хлопец адсядзеў 16 сутак за «дробнае хуліганства». таксама яму далі штраф у 1200 рублёў.
Глеб Дзямідаў мае 5,2 млн падпісчыкаў у тыктоку і 150 тысяч — у інстаграме.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца8
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары