Жыхара Кіраўска другі раз за год судзяць па палітычным артыкуле. Раней казалі, што ён «хацеў сарваць выбары»
Але цяпер Юрыя Аверкава судзяць зусім за іншае.
Юрыю Аверкаву 53 гады. Ён нарадзіўся ў Казахстане, у горадзе Какшэтаў. Апошнія 25 гадоў жыў у Кіраўску Магілёўскай вобласці. Юрый займаўся ўстаноўкай дзвярэй.
Яго затрымалі ў лютым 2024 года, напярэдадні выбараў у парламент. У відэа сілавікоў яму закідалі, што ён «збіраўся сачыць за членамі выбаркамаў», а таксама «звязваўся з прадстаўнікамі плана «Перамога» і Белпола». Пасля затрымання, 23 лютага, ён атрымаў адміністратыўку за «прапаганду ці публічнае дэманстраванне нацысцкай сімволікі і атрыбутыкі».
Наступны раз Юрыя судзілі 11 чэрвеня 2024 года, ужо па крымінальным артыкуле. Абвінавачвалі яго ў «абразе прадстаўніка ўлады» (ч. 1 арт. 369 КК) — падобна, за каментары ў тэлеграме. 13 жніўня прысуд уступіў у сілу — найхутчэй, гэта пазбаўленне волі. Судзіў Аверкава старшыня суда Кіраўскага раёна Алег Дудаль.
30 верасня ў Магілёўскім абласным судзе пачнецца яшчэ адзін суд над палітвязнем. Яго абвінавачваюць па двух артыкулах — «навучанне ці іншая падрыхтоўка асобаў да ўдзелу ў масавых беспарадках» (ч. 3 арт. 293 КК) і «распальванне варожасці ці варажнечы» (ч. 1 арт. 130 КК). Сутнасць абвінавачання невядомая.
Юрыю пагражае да трох гадоў калоніі. Суддзя — Ірына Ланчава.
«Наша Нiва» — бастыён беларушчыны
ПАДТРЫМАЦЬЦяпер чытаюць
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся6
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары