«Адбываецца генацыд беларусаў». Польскі таксіст Дабратвор перавысіў хуткасць на 50 км/г і застаўся без правоў
Былы беларускі актывіст, а цяпер польскі таксіст Ілля Дабратвор глыбока абураны парадкамі ў Еўрасаюзе.
Ілля Дабратвор
У населеных пунктах у Польшчы дазволеная хуткасць — 50 км/г. Дабратвор перавысіў яе больш чым удвая, і з гэтымі 100+ км/г яго злавіла грамадзянская машына паліцыі. Ён атрымаў амаль 500 еўра штрафу, а таксама яму на тры месяцы прыпынілі дзеянне пасведчання кіроўцы.
«Я пакуль у шоку. Толькі калі сутыкнуўся сам, пачынаеш разумець, наколькі Беларусь ліберальная краіна, дзе думаюць пра людзей, калі не тычыцца палітыкі, — напісаў у сацсетках Дабратвор. — Нікога не цікавіць, як у Беларусі, што праца залежыць ад правоў. Усім пофіг. Зрэшты, як і ва ўсім еўрасаўку, дзе на звычайных людзей пляваць. Галоўнае ж нейкая эфемерная свабода і дэмакратыя. Пры гэтым квітнее стукацтва і куча камер, проста паводле Оруэла. Змагаючыся з дыктатурай, Еўрасаюз даўно ператварыўся ў самы горшы з магчымых узораў дыктатуры. Фактычны генацыд беларусаў за мяжой, пра які не любяць казаць апазіцыйныя палітыкі ёсць, быў і будзе. І будзе толькі горш».
Падпісчыкі звярнулі ўвагу Дабратвора, што перавышэнне на 50 км/г — зашмат, але ён не пагадзіўся. «Тут усе так ездзяць», — пераконвае былы актывіст. «Нармальная хуткасць для вопытнага кіроўцы, гэтая тая, на якой ён кантралюе машыну. А на 50 км/г я проста засну і дакладна ўрэжуся. Усе мае ДТЗ былі на маленькай хуткасці», — здаецца, Дабратвор па-ранейшаму не разумее, чаму яго аштрафавалі.
Дарэчы, згодна з польскім тарыфікатарам, штраф у 2000 злотых, які атрымаў Дабратвор, прызначаецца за перавышэнне хуткасці на 61-70 км/г. Акрамя таго, паліцыя мае права прыпыняць дзеянне пасведчання кіроўцы на тры месяцы за перавышэнне хуткасці на 50+ км/г у межах горада.
***
Ілля Дабратвор раней быў актывістам партыі БНФ. Паралельна супрацоўнічаў з прарасійскім рэсурсам «Політрінг», не бачыў у гэтым нічога заганнага. Разам з жонкай і пяццю дзецьмі з'ехаў з Беларусі ў Польшчу, развёўся.
«Ніколі не выганяйце чалавека на вуліцу»: Ілля Дабратвор скончыў эксперымент з жыццём у машыне
Дабратвор расказвае сваю праўду пра былую жонку: Яна абрала хроснай для нашых дзяцей мастачку Святлану Жыгімонт
Актывіст Ілья Дабратвор: Я вырашыў вярнуцца ў Беларусь у наступны панядзелак. Васкрасенскі сказаў, што ўсё будзе добра
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары