«Патугі, валтузня і брудныя метады». Рыжанкоў заявіў, што Мінск спакойна глядзіць на зварот Літвы ў суд у Гаазе
Пры гэтым эмацыйная афарбоўка спіча міністра замежных спраў кажа пра адваротнае.
Кіраўнік МЗС Беларусі Максім Рыжанкоў пракаментаваў перадачу Літвой матэрыялаў на Лукашэнку ў Міжнародны крымінальны суд. Дыпламат назваў гэта чарговай антыбеларускай акцыяй «сыходзячай літоўскай адміністрацыі», піша БелТА.
«Літва здзейсніла чарговую антыбеларускую палітычную акцыю. Сыходзячая літоўская адміністрацыя, якая даўно не грэбуе выкарыстоўваць самыя брудныя і супярэчныя міжнароднаму праву метады працы, наважыла задзейнічаць кантраляваныя Захадам судовыя інстанцыі, ангажаваны характар якіх ужо даўно для ўсіх стаў відавочны», — мяркуе Рыжанкоў.
Ён заявіў, што Мінск нібыта ведаў пра планы Літвы даўно, і таму паставіўся да сітуацыі спакойна.
«І мы добра ведаем, для чаго і з чыёй падачы гэта робіцца. Не трэба быць прызнаным экспертам у галіне міжнароднага права, каб зразумець абсурднасць і надуманасць абвінавачванняў. Для нас відавочная бесперспектыўнасць патуг Вільні і іх куратараў. Мы спакойна глядзім на гэтую валтузню і не перастаем заклікаць суседзяў да разважлівасці і адэкватнасці», — рэзюмаваў Рыжанкоў.
Пры гэтым кіраўнік МЗС назваў «істэрычнай і нервовай» рэакцыю Вільні на яго прасякнуты антылітоўскай прапагандай артыкул аб неабходнасці нармалізацыі адносін паміж дзвюма краінамі. І заявіў, што ягоная пазіцыя «атрымала мноства цёплых водгукаў сярод жыхароў Літвы». З якіх крыніц ён даведаўся пра гэта, Рыжанкоў не паведаміў.
Нагадаем, у Літве назвалі ўмовы гэтай нармалізацыі: спыненне рэпрэсій і падтрымкі вайны супраць Украіны, свабодныя выбары і прыцягненне да адказнасці Лукашэнкі і ягоных паплечнікаў.
Каментары
Вам же выродкам все море по колено - но это уже недолго.
Ну вось на што ад Былога Палпалыча Дзейнага Каналізатара супраціву вы спадзяецеся.
На такую позву і сапраўдны суд, а ня гэты анэкдот, адкаа: добра, не абзывайцеся, дзеці, а нам не дурыце галаву.
А ўсе гэтыя падлукашэнкі-рыжанковы прылятуць да Пахана: пачастуй ласуначкам, мы адстаялі на міжнароднай арэне бэсэсэрыйскі сувэрынітэт.
І якасныя, паводле рэйтынгу спадара Лукшы, туры і няякасныя, згодна з той жа клясафікацыяй, азаронкі хваліцьмуцца з тэлевізара цьвярозаму калгасьніку дыпламатычным поспехам.
Былыя таксама атрымаюць гранта на бурхлівую анэкдотаслучакоўскую дзейнасьць эўрапэйскага маштабу.
А паспалітаму люду, ў залежнасьці ад боку знаходжаньня стасоўна мяжы, валачы на карку паразытаў, ці тых, ці гэтых