У Нарвегіі адрэагавалі на абразлівае выказванне Трампа з гумарам — падборкай дызайнерскіх прыбіральняў ФОТЫ
Пасля таго як прэзідэнт ЗША Дональд Трамп назваў Нарвегію «гаўнянай краінай», нарвежская турыстычная рада Visit Norway апублікавала падборку фатаграфій самых вядомых дызайнерскіх грамадскіх прыбіральняў краіны. Такім чынам яна з гумарам адрэагавала на выказванне амерыканскага прэзідэнта, паведамляе The Guardian.
Падчас мітынгу ў штаце Мічыган Трамп раскрытыкаваў Нарвегію за тое, што яму не прысудзілі Нобелеўскую прэмію міру, а таксама заявіў, што не будзе прымаць мігрантаў з гэтай краіны.
У адказ Visit Norway паказала грамадскія прыбіральні, размешчаныя ўздоўж маляўнічых турыстычных маршрутаў, і суправадзіла публікацыю подпісам: «Нарвегія зноў робіць прыбіральні велічнымі!»
Сярод паказаных аб’ектаў — прыбіральня з панарамнымі вокнамі з відам на фіёрд на агляднай пляцоўцы Стэгастэйн, будынак у форме хвалі на ўзбярэжжы Хельгеланда, мадэрнісцкая пабудова на сонечных батарэях каля пляцоўкі «Утсіктэн», а таксама так званая «залатая прыбіральня» на востраве Сенья.
Асобную ўвагу прыцягвае грамадская прыбіральня ў Эгуме на Лафатэнскіх астравах. Яна пабудаваная ў выглядзе амфітэатра пад руінамі нямецкай радыёлакацыйнай станцыі.
У Visit Norway адзначылі, што гэтыя аб’екты самі па сабе сталі турыстычнымі славутасцямі. Іх можна наведваць не толькі тады, калі ўзнікае неабходнасць скарыстацца прыбіральняй.
У Міністэрстве замежных спраў Нарвегіі таксама нагадалі Трампу, што Нобелеўскую прэмію міру прысуджае незалежны Нобелеўскі камітэт, а не нарвежская дзяржава ці ўрад.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
Но тогда ещё не было дизайнерских.
А в Штатах в придорожном Старбаксе без обязательного кофе вроде как и неприлично пописать.