Футбольны салігорскі «Шахцёр» упершыню ў гісторыі вылецеў з вышэйшай лігі. Як так выйшла?
Гарнякі страцілі матэматычныя шанцы на выратаванне. А віной усяму дагаворныя матчы двухгадовай даўніны.
Салігорскі «Шахцёр» упершыню ў суверэннай гісторыі вылецеў з вышэйшай лігі чэмпіянату Беларусі па футболе.
У матчы 24-га тура гарнякі прайгралі мінскаму «Дынама» з лікам 0:3. За шэсць тураў да канца «Шахцёр» займае апошняе месца з адным балам у актыве. Нават шэсць перамог у астатніх сустрэчах не дапамогуць салігорскай камандзе застацца ў эліце.
Віной усяму скандал з дамоўнымі матчамі двухгадовай даўніны. У 2022 годзе салігорцы выйгралі чацвёрты чэмпіёнскі тытул. Аднак пазней высветлілася, што кіраўніцтва клуба фінансава стымулявала іншыя каманды перад матчамі з прамымі канкурэнтамі «Шахцёра», а таксама прапаноўвалі арганізаваць некалькі дамоўных матчаў.
У выніку «Шахцёр» быў пазбаўлены чэмпіёнства і аштрафаваны. Таксама клуб пазбавілі 30 ачкоў на старце сезона-2023 і 20 ачкоў у сезоне-2024. У выніку каманду пакінулі большасць вядучых гульцоў.
Цяперашні чэмпіянат «Шахцёр» пачынаў з «-20» ачкамі ў табліцы. Па выніках 24 тураў камандзе ўдалося выйсці з мінусу, атрымаўшы пяць перамог і шэсць разоў згуляўшы ўнічыю, аднак ад першага ў гісторыі вылету гэта гарнякоў не выратавала.
«Шахцёр» тройчы выйграваў суверэнны чэмпіянат Беларусі, па колькасці тытулаў ён саступае толькі мінскаму «Дынама» і БАТЭ.
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3519
Каментары
Ну хоць год белмовы будзе папулярны