Ураган «Мілтан», які, як прадказваюць эксперты і ўлады, прынясе шмат разбурэнняў і, магчыма, смерцяў амерыканскаму штату Фларыда, выйшаў на заходняе ўзбярэжжа штата.
Каля 11 вечара па Грынвічы Нацыянальная служба надвор'я ЗША абвясціла, што ўзбярэжжа дасягнула самая небяспечная частка ўрагану — т.зв. «сцяна вока» (або «вочы») — перыметр цэнтра ўрагану, у якім бушуе самы магутны вецер, піша Бі-бі-сі.
Перад тым, як дасягнуць Фларыды, «Мілтан» некалькі аслабеў і быў пераведзены з пятай, самай небяспечнай катэгорыі, спачатку ў чацвёртую, а затым і трэцюю (хуткасць ветру да 208 км/г).
Тым не менш, як тлумачаць спецыялісты, «Мілтан» па-ранейшаму смяротна небяспечны: небяспека для тых, хто не эвакуяваўся, уяўляюць камбінацыя такога магутнага ветру, нагоннай хвалі, якая падымае ўзровень акіяна і можа затапіць прыбярэжныя тэрыторыі пластом вады таўшчынёй да чатырох з паловай метраў, а таксама наймагутнейшых ліўняў, якія выклічуць паводкі ў тым ліку і ўдалечыні ад марскога берага.
Цяпер чытаюць
Анжаліка Мельнікава тыдзень правяла на Шры-Ланцы і вылецела з дзецьмі ў Дубай28
Каментары