Urahan «Miłtan», jaki, jak pradkazvajuć ekśpierty i ŭłady, pryniasie šmat razbureńniaŭ i, mahčyma, śmierciaŭ amierykanskamu štatu Fłaryda, vyjšaŭ na zachodniaje ŭźbiarežža štata.
Kala 11 viečara pa Hrynvičy Nacyjanalnaja słužba nadvorja ZŠA abviaściła, što ŭźbiarežža dasiahnuła samaja niebiaśpiečnaja častka ŭrahanu — t.zv. «ściana voka» (abo «vočy») — pierymietr centra ŭrahanu, u jakim bušuje samy mahutny viecier, piša Bi-bi-si.
Pierad tym, jak dasiahnuć Fłarydy, «Miłtan» niekalki asłabieŭ i byŭ pieraviedzieny ź piataj, samaj niebiaśpiečnaj katehoryi, spačatku ŭ čaćviortuju, a zatym i treciuju (chutkaść vietru da 208 km/h).
Tym nie mienš, jak tłumačać śpiecyjalisty, «Miłtan» pa-raniejšamu śmiarotna niebiaśpiečny: niebiaśpieka dla tych, chto nie evakujavaŭsia, ujaŭlajuć kambinacyja takoha mahutnaha vietru, nahonnaj chvali, jakaja padymaje ŭzrovień akijana i moža zatapić prybiarežnyja terytoryi płastom vady taŭščynioj da čatyroch z pałovaj mietraŭ, a taksama najmahutniejšych liŭniaŭ, jakija vykličuć pavodki ŭ tym liku i ŭdalečyni ad marskoha bieraha.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary