Пасля Літвы, Латві, Эстоніі і Фінляндыі ў гэтым годзе ды Нямеччыны і Італіі ў мінулым, вядомы беларускі пісьменнік збіраецца ў літаратурны тур у Скандынавію.
Усё пачнецца аднак ужо сёння, 11 кастрычніка, з Вільні, дзе адбудзецца лекцыя пра феномен жанчын у беларускай гісторыі «Ад Рагнеды да Ларысы Геніюш».
Падчас лекцыі можна будзе даведацца пра асветніцу і мецэнатку Еўфрасінню Полацкую, пра Сафію Полацкую, каралеву Даніі, пра правы жанчын у Вялікім Княстве Літоўскім, пісьменніцу і тэатральную дзяячку Францішку Уршулю Радзівіл і авантурыстку і мемуарыстку Саламею Пільштынову, Эмілію Плятэр і гераіняў вызвольных паўстанняў 1830—1831 і 1863—1864 гадоў, міністарку Першага Ураду БНР Палуту Бадунову ды пра жаночыя лёсы ў гады сталінізму.
Пасля лекцыі адбудзецца гістарычная віктарына з прызамі, кніжны кірмаш і аўтограф-сесія пісьменніка.
Гасцёўня Беларускай Рады культуры (Вільня, šv. Ignoto 5-104)
11 кастрычніка 19.00
З Вільні Уладзімір Арлоў і кіраўнік Фонду Kamunikat.org Яраслаў Іванюк пераедуць у Скандынавію.
У Стакгольме, Осла і Капенгагене пройдуць унікальныя творчыя вечарыны «Беларусь, якую мы ўзялі з сабой…»
Там удзельнікаў чакае:
— Дыскусія: Ці дапаможа еўрапейская гісторыя Беларусі ўвайсці ў еўрапейскую будучыню?
— Прэзентацыя кніг Уладзіміра Арлова: «Ад Еўфрасінні, ад Скарыны», «Імёны свабоды», «Айчына. Ад Агінскага да Багушэвіча», «Ордэн Белай Мышы» і шэрагу іншых.
— Расповяд пра Kamunikat.org — найбуйнейшаю беларускаю інтэрнэт-бібліятэку ў свеце.
— Кніжны кірмаш з кнігамі выдадзенымі Фондам Kamunikat.org і іншымі незалежнымі беларускімі выдавецтвамі.
— Аўтограф-сесія з аўтарамі.
Стакгольм
Кнігарня Interbok, Hantverkargatan 32, Stockholm
13 кастрычніка, 18:00
Осла
15 кастрычніка, 18.00-19.30
Litteraturhuset Oslo, sal Kverneland
Капенгаген
17 кастрычніка, 18.00
Але на гэтым яшчэ не канец!
19 кастрычніка ў рамках Фэстывалю беларускай інтэлектуальнай кнігі Pradmova Уладзімір Арлоў і Яраслаў Іванюк правядуць прэзентацыю кнігі «Śvieciacca vokny dy nikoha za jimi», якая адметна тым, што выйшла на беларускай лацінцы. Кнігу выдаў фонд Kamunikat.org у партнёрстве з Цэнтрам беларускай культуры ў Беластоку.
У гэты паэтычны зборнік увайшлі ў тым ліку верлібры з кнігі «Parom praź La-Manš», за якую Арлоў атрымаў міжнародную прэмію «Еўрапейскі паэт свабоды».
Падрабязная інфармацыя пра дакладны час і месца сустрэчы неўзабаве з'явіцца на сайце арганізатараў Фэстывалю PRADMOVA www.pradmova.eu
На заканчэнне літаратурнага туру 20 кастрычніка сустрэча «Беларусь, якую мы ўзялі з сабой…» пройдзе ў польскім горадзе Познані.
Познань
20 кастрычніка, 14.00
Przystanek Pireus, Głogowska 35, Poznań
Каментары
Асабіста для цябе ўсе цяжкія грахі тав.Панамарэнкі пераважае на шалях гісторыі той факт, што ў 1944 г. ён занатурыўся і, скарыстаўшы аўтарытэт галоўнага партызанскага начальніка, ня даў “прырэзаць” Полацкую вобласьць да Расейскай Фэдэрацыі, хоць адпаведную пастанову папярэдне ўхваліў сам тав.Сталін. Часам ты даеш волю фантазіі й бачыш, як Панцеляймон Кандратавіч апускае ў сваім кабінэце глухія шторы, налівае дзеля сьмеласьці сто грамаў, азіраецца на бакі, а потым падыходзіць да партрэту правадыра, непрыстойна круціць рукой вакол прычыннага месца і сьцішана, але па-бальшавіцку рэзка кажа: “Х… табе, а ня Полацак”.