Княжацкі дом Ліхтэнштэйна 15 жніўня, у Дзень дзяржаўнага свята краіны, аб'явіў, што адмяняе выключна мужчынскі парадак успадкавання трона.
Цяпер трон Ліхтэнштэйна будзе пераходзіць да першага народжанага дзіцяці незалежна ад полу, а не абавязкова да старэйшага сына. Жанчыны з ліку нашчадкаў княжацкага дома атрымліваюць таксама роўныя з мужчынамі правы ўдзелу ў пытаннях дамовага закона.
Папраўку прынялі неабходнай большасцю ў дзве траціны галасоў усіх правамоцных членаў дома. Новы парадак дзейнічае толькі для будучых нашчадкаў наследнага прынца Алаіза і яго жонкі Сафіі — ужо народжаныя члены дынастыі пад яго не трапляюць.
Наследны прынц Алаіз патлумачыў, што мэта змены — каб і княствам, і домам кіраваў той, хто найлепш падрыхтаваны да гэтай задачы. Звычайна гэта сыны і дочкі, якія растуць у Вадуцы і з дзяцінства знаёмяцца са справамі краіны.
Акрамя парадку спадкаемнасці, абноўлены закон утрымлівае юрыдычныя ўдакладненні і прыведзены ў адпаведнасць з новым заканадаўствам Ліхтэнштэйна.
Нягледзячы на гістарычнасць рашэння, на цяперашніх прадстаўнікоў дынастыі яно не паўплывае. Спадчыннікам застаецца старэйшы сын Алаіса і Сафіі — 31‑гадовы Ёзаф Венцаль Максіміліян Марыя. Іх дачка, прынцэса Марыя Караліна (29 гадоў, у мінулым годзе выйшла замуж), княгіняй стаць не зможа, бо новая норма тычыцца толькі яшчэ не народжанага пакалення. Швейцарскае выданне Watson адзначае, што калі яе старэйшы брат выйдзе з чаргі на спадчыну, права пяройдзе да малодшых братоў, — такім чынам няроўнасць паміж жанчынамі і мужчынамі захаваецца яшчэ на два пакаленні.
Князем Ліхтэнштэйна з 1989 года застаецца Ханс-Адам II, а з 2004 года большасць афіцыйных абавязкаў выконвае яго сын Алаіс. Дынастыя паходзіць з Ніжняй Аўстрыі і атрымала тэрыторыю сучаснай дзяржавы каля 1700 года.
Насельніцтва Ліхтэнштэйна — каля 40 тысяч чалавек; краіна не ўваходзіць у ЕС, але з'яўляецца часткай Еўрапейскай эканамічнай прасторы і Шэнгенскай зоны.
Ці шмат у свеце засталося кіраўнікоў дзяржаў, якія прыйшлі да ўлады раней за Лукашэнку?
Ліхтэнштэйн стаў ахвярай маштабнай кібератакі
Самая маленькая незалежная рэспубліка ў свеце змяніла назву
Кароль Нідэрландаў запаліў на мундыялі: заўзеў супраць Швецыі, а потым патанчыў у раздзявальні Кюрасаа
Кароль Карл вырашыў не пераязджаць у Букінгемскі палац пасля завяршэння рамонту
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары
[Зрэдагавана]