Яшчэ васьмёра пацярпелых у ДТЗ у Грузіі беларусаў выпісаныя з бальніц
Васьмёра пацярпелых у ДТЗ у Грузіі беларусаў выпісаныя з бальніц. Пра гэта паведамілі Белта ў Міністэрстве замежных спраў Беларусі.
Грузінскія медыкі выпісалі яшчэ васьмярых грамадзян Беларусі, сярод іх — пяцёра непаўналетніх. 14 жніўня былі выпісаныя чацвёра пацярпелых у ДТЗ беларускіх турыстаў.
Аварыя здарылася 12 жніўня ў рэгіёне Гурыя. Мікрааўтобус з'ехаў з дарогі і ўпаў у яр, дзе ўрэзаўся ў дрэва. Вадзіцель паспеў скокнуць з машыны падчас падзення.
Усяго ў салоне знаходзіліся 19 грамадзян Беларусі. У ДТЗ чатыры чалавекі загінулі, 15 атрымалі траўмы рознай ступені цяжкасці, з іх — шасцёра непаўналетніх.
Вадзіцеля мікрааўтобуса затрымалі. Мужчына не меў адпаведнай катэгорыі пасведчання кіроўцы для перавозкі турыстаў. Акрамя гэтага, ён не забяспечыў бяспечную эксплуатацыю транспарту.
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары