У Мінску адмянілі канцэрт у клубе «Рэактар». Публічны данос на іх рабіла Бондарава
Даносчыца заклікала ГУБАЗіК звярнуць увагу на канцэрт з нагоды Дзядоў.
У мінскім клубе «Рэактар» 3 лістапада меў адбыцца канцэрт з нагоды Дзядоў. Сярод выступоўцаў — легендарны музыка Іван Кірчук, спявачка Іва Саціва, акапэльны фолк-гурт Guda.
Аднак сёння стала вядома, што канцэрт адменены.
«Мы толькі што атрымалі ліст пра скасаванне гастрольнага пасведчання», — паведаміў у сацсетках арганізатар.
Грошы за квіткі людзям паабяцалі вярнуць. Прычыны адмены канцэрту не называюцца.
Але цалкам імаверна, што руку прыклала сумна вядомая даносчыца Вольга Бондарава. Яна абуралася канцэртам, пішучы, што «запланаваны чарговы шабаш неверагодных скакуноў па плошчах».
«Звяртаю ўвагу ГУБАЗ на дадзеную правакацыю, а заадно і Упраўлення культуры МГВК [Мінгарвыканкама]», — пісала Бондарава ў сваім тэлеграм-канале.
-
«Я вам скажу — зусім не тое!» На 80‑годдзі ва Уроцлаве Някляеў параўнаў пацалункі Брэжнева і Ціханоўскай
-
У Вене за 776 тысяч еўра нахілілі помнік мэру. Яго антысемітызм натхняў Гітлера
-
У Пружанскім касцёле новы арган, які прывезлі з Нідэрландаў. Папярэдні касцельны арган пусцілі на дровы для Дома культуры
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары