Стала вядомая колькасць загінулых пасля першага ўдару ракетамі Storm Shadow па тэрыторыі Расіі
У тэлеграм-канале «Досье Шпиона», вядомым дакладнасцю сваіх інсайдаў, з'явілася інфармацыя пра вынікі ўчарашняга ўкраінскага ўдару брытанскімі ракетамі Storm Shadow па расійскім камандным пункце ў пасёлку Мар'іна Курскай вобласці.
Паводле інфармацыі канала, у выніку ўдару загінулі 18 расійскіх вайскоўцаў, а яшчэ 33 атрымалі раненні рознай ступені цяжкасці.
Сярод параненых, акрамя ўласна расіян, нібыта былі і трое вайскоўцаў КНДР (двое мужчын з цяжкімі раненнямі і адна жанчына-медык з лёгкім). Большасць пацярпелых — афіцэры.
Паведамляецца, што ў момант удару на камандным пункце знаходзіўся першы намеснік камандуючага войскамі Ленінградскай вайсковай акругі генерал-лейтэнант Валерый Саладчук, але пра ягоны стан інфармацыі пакуль інфармацыі няма.
Акрамя таго, падчас разбору завалаў увечары таго дня здэтанаваў невядомы боепрыпас, у выніку чаго 13 вайскоўцаў з падраздзялення 88-га сапёрнага палка (в/ч 53359) атрымалі раненні. Сярод пацярпелых — намеснік начальніка штаба палка.
Storm Shadow сёння маглі ўдарыць па гістарычнай сядзібе на Куршчыне, дзе размяшчаўся расійскі камандны пункт
УСУ ўпершыню ўдарылі па Расіі брытанскімі ракетамі Storm Shadow
Le Figaro выдаліла інфармацыю, што Францыя і Вялікабрытанія дазволілі Украіне біць дальнабойнымі ракетамі
Украіна плануе ў найбліжэйшыя дні выкарыстаць амерыканскую зброю вялікай далёкасці для ўдараў па Расіі
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»9
Каментары