Венгрыя дамаглася выключэння патрыярха Кірыла з санкцыйнага пакета Еўрасаюза
Міністр замежных спраў Венгрыі Петэр Сіярта расказаў пра выключэнні з 15-га пакета санкцый супраць Расіі.
Венгрыя дамаглася выключэння з пакета кіраўніка РПЦ патрыярха Кірыла, а таксама Алімпійскага камітэта Расіі і пастаяннага прадстаўніка ў ААН Васілія Нябензі.
Па словах Сіярта, Будапешт падтрымаў увядзенне пакета толькі пасля ўліку ягоных паправак, піша magyarnemzet.hu.
«Санкцыі супраць святароў пазбавілі б нават апошняй надзеі на мір», — заявіў венгерскі міністр.
Паводле яго слоў, Будапешту таксама ўдалося захаваць выключэнне на экспарт нафтапрадуктаў з расійскай сыравіны, неабходны для венгерскай кампаніі MOL.
Венгрыя не ўпершыню лабіруе выключэнні патрыярха Кірыла з санкцыйных спісаў: яна рабіла гэта двойчы ў 2022 годзе. Кірыл вядомы сваёй актыўнай падтрымкай расійскага ўварвання ва Украіну.
У 15-ты пакет санкцый Еўрасаюза трапілі 54 фізічныя асобы і 30 арганізацый з Расіі, Кітая і КНДР, у тым ліку расійскія вайскоўцы, якія датычныя да ўдару па бальніцы Ахматдзет у Кіеве, кіраўніцтва кампаній энергетычнага сектара, а таксама асобы, адказныя за дэпартацыю дзяцей, прапаганду і абыход санкцый.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць18
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары
Брюссельских, желательно, на пару дней, отправить в окопы украинских фронтов, чтобы поняли разницу в кресте кирилла-гундяева и Кресте Иисуса Христа!