Vienhryja damahłasia vyklučeńnia patryjarcha Kiryła z sankcyjnaha pakieta Jeŭrasajuza
Ministr zamiežnych spraŭ Vienhryi Pieter Sijarta raskazaŭ pra vyklučeńni z 15-ha pakieta sankcyj suprać Rasii.
Vienhryja damahłasia vyklučeńnia z pakieta kiraŭnika RPC patryjarcha Kiryła, a taksama Alimpijskaha kamiteta Rasii i pastajannaha pradstaŭnika ŭ AAN Vasilija Niabienzi.
Pa słovach Sijarta, Budapiešt padtrymaŭ uviadzieńnie pakieta tolki paśla ŭliku jahonych papravak, piša magyarnemzet.hu.
«Sankcyi suprać śviataroŭ pazbavili b navat apošniaj nadziei na mir», — zajaviŭ vienhierski ministr.
Pavodle jaho słoŭ, Budapieštu taksama ŭdałosia zachavać vyklučeńnie na ekspart naftapraduktaŭ z rasijskaj syraviny, nieabchodny dla vienhierskaj kampanii MOL.
Vienhryja nie ŭpieršyniu łabiruje vyklučeńni patryjarcha Kiryła z sankcyjnych śpisaŭ: jana rabiła heta dvojčy ŭ 2022 hodzie. Kirył viadomy svajoj aktyŭnaj padtrymkaj rasijskaha ŭvarvańnia va Ukrainu.
U 15-ty pakiet sankcyj Jeŭrasajuza trapili 54 fizičnyja asoby i 30 arhanizacyj z Rasii, Kitaja i KNDR, u tym liku rasijskija vajskoŭcy, jakija datyčnyja da ŭdaru pa balnicy Achmatdziet u Kijevie, kiraŭnictva kampanij enierhietyčnaha siektara, a taksama asoby, adkaznyja za departacyju dziaciej, prapahandu i abychod sankcyj.
Kamientary
Briuśsielskich, žiełatielno, na paru dniej, otpraviť v okopy ukrainskich frontov, čtoby poniali raźnicu v kriestie kiriłła-hundiajeva i Kriestie Iisusa Christa!