Еўрапейская камісія пачала афіцыйнае разбіральніцтва ў дачыненні да сэрвісу TikTok у сувязі з магчымымі парушэннямі Закона «Аб лічбавых паслугах». Тэлеканал «Еўраньюс» звязвае пачатак разбору з атрыманнем доказаў умяшання Расіі ў выбары ў Румыніі.
Еўрапейская камісія збірае даныя, каб вызначыць, ці парушыў TikTok заканадаўства ЕС, піша Радыё Свабода.
На прэзідэнцкіх выбарах у Румыніі 24 лістапада нечаканую перамогу ў першым туры атрымаў Кэлін Джарджэску, незалежны нацыяналіст і еўраскептык, які раней быў мала вядомы грамадскасці. Выбары былі ануляваныя пасьля таго, як Канстытуцыйны суд атрымаў доказы ўмяшання Расіі ў працэс галасавання, у прыватнасьці на сайце TikTok. Доказы былі прадастаўлены румынскімі спецслужбамі.
Калі дзеянні кампаніі TikTok будуць прызнаныя не адпаведнымі заканадаўству ЕС, сэрвісу пагражае штраф у памеры да 6% ад яго глабальнай выручкі.
«Кожны раз, калі мы падазраем падобнае ўмяшанне, асабліва падчас выбараў, мы павінны дзейнічаць хутка і рашуча, — заявіла старшыня Еўрапейскай камісіі Урсула фон дэр Ляен. — Пасля сур'ёзных прыкмет таго, што замежныя суб'екты ўмешваліся ў прэзідэнцкія выбары ў Румыніі з дапамогай TikTok, мы цяпер старанна расследуем, ці не парушыла кампанія TikTok Закон Аб лічбавых паслугах, не справіўшыся з падобнымі рызыкамі».
Рэклама кантэнту пра Джарджэску распаўсюджвалася на TikTok, што, па вызначэнні камісіі, з'яўляецца неарганічнай з'явай [для сэрвісу]. Спецыялісты камісіі лічаць, што такую рэкламу маглі прасоўваць боты і падробленыя акаўнты.
Цяпер чытаюць
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў5
Каментары