У XIX стагоддзі нямецкі лекар Карл Вундэрліх вызначыў норму тэмпературы цела для здаровага чалавека — 37°C. Пазней гэты паказчык скарэктавалі да 36,6°C, што стала сусветным стандартам. Але сучасныя даследаванні сведчаць, што старая норма ўжо не адпавядае рэчаіснасці.
Апошнія даследаванні паказваюць, што сярэдняя тэмпература цела сучаснага чалавека, хутчэй за ўсё, ніжэйшая за раней прынятыя нормы. Як піша WP Tech, даследаванні, якія былі праведзеныя ў ЗША ў 2019 годзе, паказалі сярэднюю тэмпературу 36,4°C.
Асобнае даследаванне было праведзена сярод прадстаўнікоў балівійскага племені цымане, якія жывуць у ізаляваных умовах. Тут было зафіксавана, што сярэдняя тэмпература іх цела зніжаецца на 0,05°C штогод і цяпер складае прыкладна 36,5°C.
Гэта паказвае, што змена тэмпературы адбываецца не толькі ў развітых краінах, але і ў ізаляваных супольнасцях.
Як адзначае WP Tech, навукоўцы звязваюць зніжэнне тэмпературы з паляпшэннем якасці жыцця і гігіены. Доступ да чыстай вады, сучасных медыцынскіх паслуг і вакцынацыі дазваляе людзям траціць менш энергіі на барацьбу з інфекцыямі.
Акрамя таго, кліматызацыя і сістэмы ацяплення забяспечваюць больш стабільныя ўмовы, зніжаючы нагрузку на арганізм.
Традыцыйна высокай тэмпературай лічылі ўсё, што звыш 37,8°C. Роберт Х. Шмерлінг (Robert H. Shmerling), доктар медыцынскіх навук з факультэта Harvard Health Publishing, лічыць, што сучасныя даследаванні не даюць падстаў мяняць гэтае азначэнне, аднак яны паказваюць, што пры ацэнцы здароўя варта ўлічваць агульныя тэндэнцыі зніжэння тэмпературы.
У сваю чаргу, прафесар Майкл Гурвен (Michael Gurven) падкрэслівае, што няма адзінай універсальнай нормы тэмпературы для ўсіх людзей. Новыя даныя больш важныя для аналізу здароўя вялікіх груп насельніцтва, а для дыягностыкі асобных людзей яны не маюць асаблівага значэння.
Што рабіць, калі ў кватэры халодна?
Што вядома пра наравірус, успышка якога адбылася ў Брэсце: сімптомы, заразнасць, лячэнне
Па свеце распаўсюджваецца новы варыянт кавіду ХЕС. Чым ён адрозніваецца ад папярэдніх
«Тэмпература — 40, таблеткі не дапамагалі». Беларуска з інваліднасцю цяжка перахварэла на ангіну і цяпер шукае грошы на лячэнне ў Польшчы
Цяпер чытаюць
Калеснікава: Я не разумею, чаму Еўропа не пачала перамовы з Лукашэнкам раней за ЗША7
Каментары