У Касцюковіцкім раёне падчас лесанарыхтоўчых работ загінуў рабочы. Трагедыя адбылася днём 20 студзеня падчас санітарнай высечкі лесу, паведамляе Следчы камітэт.
Брыгада займалася пілаваннем дрэў, і ў нейкі момант адно з ужо спілаваных звалілася і прыціснула работніка — 34‑гадовага жыхара раёна. Атрыманыя траўмы аказаліся смяротнымі.
На месцы здарэння адразу пачала працу следча-аператыўная група. Касцюковіцкі раённы аддзел Следчага камітэта распачаў праверку паводле факту гібелі чалавека.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы79
Каментары
Мяркуючы з фота, вальшчык працаваў самастойна паводле так званай "скандынаўскай" тэхналогіі, валячы дрэвы скіравана вершалінамі ў адзін волак. Але яго прыбіла не камлём, што бывае, калі дрэва пайшло "не туды", перасіліўшы кліны і лапаткі, а вершалінай - кронай з галінамі, што найбольш небяспечна. Гэта кажа пра тое, што, імаверна, падпіленае дрэва завісла на стаячым і ён спрабаваў альбо падпілаваць тое, на якім падпіленае вісела, альбо раскражоўваў раней паваленыя дрэвы ў волаку проста пад завіслым дрэвам, калі "вісяк" ўпаў. Гэта грубае парушэнне правілаў бяспекі вальшчыкам. Але амаль упэўнены, што засудзяць майстра лесу ці ляснічага, знайшоўшы, што гэты вальшчык у нейкім журнале інструктажоў не распісаўся.
Спачуванні родным і блізкім загінулага і трымацца ягонаму непасрэднаму кіраўніцтву.