Мінская кандытарская фабрыка «Камунарка» выпусціла новую прадукцыю, якую пакупнікі ўжо назвалі беларускім аналагам знакамітага дзіцячага «Кіндар-шакаладу», піша Telegraf.news.
Новы прадукт выйшаў пад маркай «Любімая Алёнка Baby» і прадстаўлены ў зручнай форме батончыкаў з малочным шакаладам і малочнай начынкай, ад якіх лёгка адломваць порцыі — падобна да класічнага Kinder Chocolate.
Такі фармат вядомы ва ўсім свеце і з’яўляецца арыгінальнай распрацоўкай кампаніі Ferrero, створанай для брэнду ў 1968 годзе. Беларуская «Камунарка», відаць, натхнілася гэтым зручным фарматам — раней кампанія ўжо выпускала падобныя батончыкі пад брэндам «Дзіцячыя гісторыі».
Па цане новы прадукт ужо пераўзыходзіць італьянскі арыгінал: калі Kinder у беларускіх крамах каштуе больш за 12 рублёў за 100 грамаў, то «Алёнку Baby» можна купіць у тры разы танней — за 3,97 рубля за той жа вагавы блок.
Што да смаку — тут думкі могуць быць рознымі, таму лепш самому пакаштаваць. На сёння батончыкі ўжо можна знайсці ў фірмовых крамах «Камунаркі» ў Мінску, а ў іншыя крамы іх абяцаюць паставіць у найбліжэйшы час.
Дарэчы, да мінулых Калядаў і Новага года фабрыка прадставіла яшчэ адну сваю навінку — цукеркі без шакаладу, якія таксама ўжо зацікавілі пакупнікоў.
Работніца «Камунаркі» шакавала памерам навагодняга падарунка ад прадпрыемства
«Камунарка» пракаментавалі закіды, што расійскія школьнікі п'янеюць ад яе цукерак
Ці можна ап'янець ад цукерак «Сталічныя» і марозіва з такой жа начынкай? Вось што паказаў эксперымент
У Беларусі выпусцілі марожанае са смакам «Сталічных» цукерак
Каментары