Грамадства44

Следчыя Украіны падазраюць супрацоўнікаў МУС у забойстве беларуса Жызнеўскага, якое адбылося 11 гадоў таму

Беларуса Міхася Жызнеўскага забілі 22 студзеня 2014 года падчас Еўрамайдану ў Кіеве. Пазней яго прызналі Героем Украіны, а ў 2017 годзе тагачасны прэзідэнт Пятро Парашэнка перадаў Зорку Героя бацькам. Забойца дагэтуль не знойдзены, піша Радыё Свабода.

Украінская мастачка Марына Сачэнка ўвекавечыла Міхася Жызьнеўскага ў іконе-фрэсцы ў капліцы на Аскольдавай магіле ў Кіеве. Капліца належыць Украінскай грэка-каталіцкай царкве. Ілюстрацыйнае фота

Следчыя Дзяржаўнага бюро расследаванняў (ДБР) Украіны працягваюць расследаванне гібелі першых ахвяр падчас супрацьстаяння паміж міліцыяй і пратэстоўцамі ў студзені 2014 года, калі ў Кіеве праходзілі масавыя акцыі пратэсту.

Сярод першых ахвяр, якія загінулі 22 студзеня 2014 года, — беларус Міхась Жызнеўскі і грамадзяне Украіны Сяргей Нігаян і Раман Сенік.

«Следства працягвае правяраць супрацоўнікаў МУС, якія неслі службу ў дзень забойстваў. Таксама яшчэ працягваюцца судовыя экспертызы і адпрацоўка сведак», — паведаміла дзяржаўнаму агенцтву «Укрінформ» пракурор Людміла Гаўрыш, якая ажыццяўляе працэсуальнае кіраўніцтва ў справах Майдана.

Следчая ДБР Вольга Паўлюк адзначыла, што расследаванне першых забойстваў на Майдане ўскладняецца праз адсутнасць якасных відэазапісаў моманту злачынстваў, а таксама непасрэдных сведак.

«Мы пастаянна правяраем працаўнікоў праваахоўных органаў, якія знаходзіліся ў месцах, дзе былі ўчынены забойствы, у тым ліку тых, хто меў агнястрэльную зброю — гладкаствольныя помпавыя стрэльбы мадэлі «Форт-500»», — сказала Вольга Паўлюк.

Паводле яе слоў, цяпер праводзяцца допыты асоб, якія могуць мець важную для следства інфармацыю, і працягваюцца следчыя дзеянні з іх удзелам.

«Экспертныя ўстановы праводзяць медыка-крыміналістычныя і комплексныя судова-медыцынскія экспертызы, у тым ліку экспертызы па ідэнтыфікацыі зброі, якія маглі б пацвердзіць датычнасць непасрэдных выканаўцаў да забойстваў Нігаяна, Сеніка і Жызнеўскага», — дадала следчая ДБР.

Вольга Паўлюк падкрэсліла, што працягваюцца пошукі новых абставін першых забойстваў на Майдане, якія патрабуюць дадатковай праверкі.

Раней было паведамлена аб падазрэнні арганізатарам гэтых злачынстваў — былому прэзідэнту Віктару Януковічу, экс-міністру ўнутраных спраў Віталію Захарчанку і яго намесніку, а таксама кіраўнікам Галоўнага ўпраўлення МУС у Кіеве.

Беларуса Міхася Жызнеўскага забілі 22 студзеня 2014 года падчас Еўрамайдану ў Кіеве. Пазней яго прызналі Героем Украіны, а ў 2017 годзе тагачасны прэзідэнт Пятро Парашэнка перадаў Зорку Героя бацькам. Забойца дагэтуль не знойдзены.

Каментары4

  • Барадзед
    22.01.2025
    Герої не вмирають
  • FF
    22.01.2025
    Прабачце, а што там можна шукаць 11 гадоў, калі яго забілі з табельнай зброі?
  • Вы ж самі ўсё разумееце
    22.01.2025
    FF, імітуюць дзейнасць. Бо мянтам трэба харчавацца.

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Уладзімір Мацкевіч: Пенсіі ў Літве ў мяне няма8

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?11

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку32

Трамп і Пуцін абмяркоўвалі вайну ва Украіне1

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?6

Украіна трэці раз з пачатку тыдня атакавала Крымскі мост1

Карціна Ван Гога прададзена з аўкцыёну за рэкордныя 190,4 мільёна даляраў2

Як згуляць у GTA 6, калі жывеш у Беларусі3

З 1 студзеня днём рух грузавікоў па МКАД плануюць забараніць

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць