Цягнікі Гродна — Віцебск і Баранавічы — Гродна прыбылі з затрымкай на 4 гадзіны
Што стала прычынай затрымкі?
Пасажыры цягнікоў № 680 Гродна — Віцебск і № 6283 Баранавічы — Гродна ў аўторак, 28 студзеня, прыбылі на канцавыя станцыі з затрымкай амаль на 4 гадзіны.
Як паведамілі ў Белчыгунцы, прычына затрымкі звязаная з няспраўнасцю гаспадарчага цягніка на ўчастку Зэльва — Ваўкавыск.
Няштатная сітуацыя ўзнікла падчас правядзення рамонтных работ, што прывяло да адхілення некаторых цягнікоў ад графіка.
Пасажыры былі праінфармаваныя пра сітуацыю. Пры гэтым у вагонах захоўваліся асвятленне, ацяпленне і работа санітарных вузлоў.
Каментары