Узгаранне на Чарнобыльскай атамнай электрастанцыі, якое ўзнікла пасля трапляння ў яе дрона, цалкам дагэтуль не ліквідавана. Па стане на 13:00 захоўваюцца тры ачагі тлення, паведамляе Дзяржаўнае агенцтва Украіны па кіраванні зонай адчужэння.
Скрыншот з відэа
«Зафіксавана тры ачагі тлення. Для іх тушэння і частковага ўскрыцця канструкцый сховішча працуюць тры групы вышыннікаў (па чатыры чалавекі ў кожнай). Зробленыя 22 адтуліны, агульная плошча ўскрыцця — каля 2 кв. м. Пракладзеныя працоўныя лініі на пяць ствалоў. Да ліквідацыі наступстваў прыцягнутыя ратавальнікі ДСНС», — гаворыцца ў паведамленні.
14 лютага расійскія войскі ўдарылі дронам па саркафагу 4-га энергаблока ЧАЭС. У выніку ўдару сховішча было пашкоджанае, на ім узнік пажар.
Цяпер чытаюць
Былога супрацоўніка контрразведкі КДБ арыштавалі за здраду дзяржаве9
Каментары
Я не вайсковы спецыяліст і неправільна ацаніў наступствы удару дрона ў перакрыцце. Гарыць, відаць, у сярэдзіне саркафага, куды крайне небяспечна лезці.
Калі тлее ў сярэдзіне і не могуць патушыць, то там дым, зольныя часціны доўгажывучых ізатопаў. Гэтыя двое на здымку рызыкуюць здароўем. Дыхаць гэтым дымам крайне небяспечна.
Адзін з беларускіх фізікаў (Нестеренко? праект "Памір"?) раіў колісь (красавік 1986-га) ліць вадкі азот і збіваць тым тэмпературу. Яго не слухалі, кідалі свінец, які крайне таксічны і аніяк не спрыяў паніжэньню тэмпературы, наадварот дадаваў небяспекі - плавіўся і выпарваўся. У 1986-м было далей няма куды. Вадкі азот выкарыстоўваўся на праекце "Памір", якім займаліся ў Соснах. Спецыяліст па рэакцыям азота ў пажаратушэнні быў бы зараз вельмі дарэчы.
На аб'ектах РОСАТАМА функцыі МАГАТЭ абмежаваныя, матывуюць сакрэтнасццю.
У нас маецца былы журналіст БЕЛАПАН В. Семашко, з праектам belatom.by. З сабою ў якасці дырэктара і адным супрацоўнікам.
Падаецца сайт як навукова-папулярнае выданне. Папулярызуецца навіна пра акупаваную Запарожскую АЭС. Яна папярэднічала гэтай навіне пра саркафаг Чарнобыльскай.