Удзельнікі гурта Litesound выехалі з хатняй хіміі і скарылі журы на конкурсе талентаў у Літве
«Мы тут з нашай маці, але наш бацька да гэтага часу не вызвалены».
Гурт Litesound, які прадстаўляў Беларусь на Еўрабачанні ў 2012 годзе, выступіў на конкурсе талентаў у Літве. Хлопцы выканалі адну з найлепшых песень ХХ стагоддзя — Imagine Джона Ленана. Браты Каракіны зачаравалі членаў камісіі і, магчыма, трапяць у фінал, піша TV3.lt
«Хоць мы і знаходзімся ў Літве, нам даводзіцца быць вельмі асцярожнымі ў сваіх словах. Мы тут з нашай маці, але наш бацька да гэтага часу не вызвалены», — сказаў Уладзімір Каракін, адзін з салістаў.
У сакавіку 2023 года братоў Каракіных і іх бацькоў адправілi на хатнюю хімію па ч. 1 ст. 342 КК (Арганізацыя і падрыхтоўка дзеянняў, груба парушаючых грамадскі парадак, альбо актыўны ўдзел у іх) і ч. 2 ст. 295 КК (Незаконныя дзеянні ў адносінах да агнястрэльнай зброі, боепрыпасаў і выбуховых рэчываў, да сямі гадоў пазбаўлення волі).
Музыкантам і іх маці прызначылі два з паловай гады, а бацьку — тры гады. У СІЗА ў Каракіна-старэйшага здарыўся інсульт, з таго часу ён знаходзіўся дома. Астатнія члены сям’і да прысуду ўтрымліваліся ў СІЗА на Валадарскага.
Каментары