Кіраўнік Памежнай службы Літвы: Праблему паветраных шароў з Беларусі занадта раздзімаюць
Кіраўнік Памежнай службы Літвы Рустам Любаеў лічыць, што праблему кантрабандных паветраных шароў з боку Беларусі апошнім часам занадта раздзімаюць. Ён падкрэслівае: такія метэаралагічныя шары сапраўды могуць ствараць небяспеку, асабліва ў паветранай прасторы каля аэрапортаў, але гэта толькі адзін з многіх спосабаў кантрабанды, піша Delfi.lt.
Па словах Рустама Любаева, калі глядзець на агульную сітуацыю ў краіне, складаецца ўражанне, што менавіта гэтаму аднаму метаду надаюць празмерна шмат увагі, забываючы пра іншыя шляхі трапляння кантрабанды ў Літву і яе агульныя аб’ёмы. Ён таксама лічыць, што ажыятаж вакол шароў ідзе на карысць рэжыму Лукашэнкі і з’яўляецца часткай гібрыдных дзеянняў Мінска.
Раней урад Літвы часова закрываў мяжу праз актывізацыю запуску кантрабандных шароў. За апошні час яны некалькі разоў выклікалі збоі ў працы літоўскіх аэрапортаў, у тым ліку ў ноч на нядзелю, калі Віленскі аэрапорт даводзілася закрываць двойчы. Пытанне гібрыднай атакі з боку Беларусі неаднаразова разглядалася на пасяджэннях Нацыянальнай камісіі бяспекі і на розных міжнародных узроўнях.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы36
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
А пасля была яшчэ навіна, што літоўскія вайскоўцы збіраліся дапамагаць аэрадрому (іншым радарам?), каб больш дакладна ацэньваць небяспеку.
2. Памежнікі - тыя, хто даўно добра ведалі пра метэазонды і іх залежнасць ад ветру. Інфармацыя ад іх неаднойчы публікавалася ў навінах да "кастрычніцкага крызіса". І больш спакойна.
3. Боты ўжо перажываюць, што Літва можа саскочыць з кручка.