Выдавецтва «Папуры» перавыдала дзве класічныя аповесці Алеся Адамовіча пад адной вокладкай. У кнігу ўвайшлі творы «Хатынская аповесць» і «Нямко», паведамляе bellit.info.
У «Хатынскай аповесці» (1972 год) майстар ваеннай прозы Алесь Адамовіч перадае эмацыйны напал падзей часу вайны, невыносны боль беларускіх жанчын і дзяцей, якія намагаюцца адшукаць словы, адэкватныя перажытаму імі. Разам з аповесцю «Карнікі» легла ў аснову фільма Э. Клімава «Ідзі і глядзі»(1985).
У аповесці «Нямко» (1992—93 гады) апавядаецца пра каханне нямецкага салдата Франца і беларускай дзяўчыны Паліны ў час акупацыі і ў пасляваенны перыяд. Юныя героі супрацьстаяць неспрыяльным акалічнасцям, кіруючыся ў сваіх паводзінах простымі правіламі агульначалавечай маралі і законамі прыроды.
Кнігу можна замовіць праз Wildberries.by, а таксама набыць у кнігарнях у Беларусі.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары