Забойства Марка Эбена адбылося 13 лютага. Наркагандляр родам з Нідэрландаў быў адным з самых шуканых злачынцаў у свеце.
Паводле даных следства, ён шмат гадоў супрацоўнічаў з мексіканскім картэлем Сіналоа — адной з самых жорсткіх злачынных арганізацый у свеце, якая нясе адказнасць за тысячы забойстваў, піша Bild.
Пасля арышту боса Сіналоа Хаакіна «Эль Чапа» Гусмана ў 2017 годзе ўнутры картэля разгарэлася барацьба за ўладу. Лічыцца, што Эбен стаў на бок суперніка Гусмана — Ісмаэля «Эль Маё» Замбады. З таго часу яму даводзілася ўвесь час асцерагацца нападу. Аднак за забойствам какаінавага караля Эбена, верагодна, стаялі яго меркаваныя сябры: яны даведаліся, што мексіканскае падраздзяленне па барацьбе з наркотыкамі высачыла нідэрландца і збіраецца яго арыштаваць.
І бандыты вырашылі ліквідаваць таго, хто мог бы выдаць сакрэты падчас допытаў.
Забойцы падпільнавалі Марка Эбена каля раскошнай спартзалы ў горадзе Атысапан-дэ-Сарагоса, непадалёк ад Мехіка. Яго застрэлілі, калі ён стаяў літаральна ў кроку ад свайго браніраванага Cadillac.
Паводле заявы мексіканскіх уладаў, апублікаванай у газеце Milenio, забойцы апярэдзілі вайсковую паліцыю ўсяго на 14 хвілін.
На целе Эбена паліцыя выявіла падробленае пасведчанне супрацоўніка амерыканскага Упраўлення па барацьбе з наркотыкамі (DEA). Там значыўся псеўданім «какаінавага караля» — Хесус Антоніа Веласкес Рывас. Гэта не была яго адзіная фальшывая асоба: у Расіі ён падарожнічаў пад выглядам дыпламата ЕС, у Бразіліі — як спецыяльны агент Еўрапола — таго самага ведамства, у чый спіс самых шуканых ён трапіў за кантрабанду 400 кілаграмаў какаіну ў скрыначках з-пад ананасаў.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны13
Каментары