Спробаў нелегальнага пераходу беларуска-польскай мяжы ўдвая больш, чым год таму
З пачатку 2025 года супрацоўнікі Падляшскага аддзела пагранслужбы Польшчы зафіксавалі больш за 600 спробаў нелегальнага пераходу мяжы з Беларуссю. За аналагічны перыяд мінулага года такіх спробаў было 280, піша Most.
Штодня памежнікі спыняюць больш за дзесяць такіх спробаў. Напрыклад, 25 лютага мяжу спрабавалі перайсці 11 мігрантаў (адна група заўважаная ў раёне заставы Нараўка, другая — у раёне заставы Пласка), 24 лютага — 30. Тады ж памежнікі затрымалі двух кур'ераў, якія планавалі перавозіць парушальнікаў мяжы.
Аднак пачашчэнне спробаў нелегальнага пераходу мяжы не абавязкова сведчыць пра павелічэнне колькасці мігрантаў. Немагчыма падлічыць, колькі спробаў нелегальна перайсці мяжу робіць адзін і той жа чалавек. Часта, згледзеўшы памежнікаў, іншаземцы вяртаюцца ўглыб Беларусі, а затым спрабуюць штурмаваць яе зноў.
Пасля ўмацавання памежнага плота летам 2024 года мігрантам стала значна цяжэй перайсці мяжу. Таму можна меркаваць, што адзін і той жа чалавек вымушаны рабіць больш спробаў і, адпаведна, часцей трапляе ў статыстыку памежнай службы.
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары