Прэзідэнт Украіны Уладзімір Зяленскі не выбачыўся за эмацыйную перапалку з прэзідэнтам ЗША Дональдам Трампам у Авальным кабінеце, але ў інтэрв’ю Fox News заявіў, што ўпэўнены: іх адносіны яшчэ можна аднавіць.
Сустрэча Зяленскага з Трампам і віцэ-прэзідэнтам Джэй Дзі Вэнсам у Белым доме ў пятніцу перарасла ў спрэчку на павышаных тонах, што стала сусветнай навіной. Украінскі лідар прыехаў у ЗША для перамоў з Трампам пасля таго, як амерыканскі кіраўнік заявіў, што мірныя перамовы аб завяршэнні вайны паміж Украінай і Расіяй знаходзяцца на фінальнай стадыі.
«Спадар прэзідэнт, ці лічыце вы, што вашы адносіны з Дональдам Трампам — прэзідэнтам Трампам — можна аднавіць пасля таго, што адбылося сёння?» — спытаў галоўны палітычны вядучы Fox News Брэт Баер.
«Так, вядома, бо гэта адносіны не толькі двух прэзідэнтаў. Гэта гістарычныя, моцныя адносіны паміж нашымі народамі, і таму я заўсёды пачынаю з падзякі вашаму народу ад нашага народу», — сказаў Зяленскі ў эксклюзіўным інтэрв’ю ў пятніцу ў эфіры праграмы Special Report.
«Безумоўна, я ўдзячны прэзідэнту і, вядома ж, Кангрэсу, але перадусім — вашым людзям. Ваш народ дапамог выратаваць наш народ… Мы вельмі хацелі мець гэтыя моцныя адносіны, і там, дзе гэта сапраўды важна, яны будуць заставацца моцнымі».
Адказваючы на пытанне пра перапалку, Зяленскі адзначыў, што «не ўпэўнены, што мы зрабілі нешта дрэннае», але прызнаў, што сітуацыя атрымалася «дрэннай для абодвух бакоў».
«Я проста хачу быць сумленным і хачу, каб нашы партнёры правільна разумелі сітуацыю, а таксама сам правільна разумець усё. Гэта пра тое, каб не страціць наша сяброўства», — дадаў украінскі лідар.
Трамп і Зяленскі пасварыліся ў жывым эфіры
Трамп: Зяленскі можа вярнуцца, калі будзе гатовы да міру
Зяленскі падзякаваў Амерыцы за падтрымку і свой візіт
Трамп — Зяленскаму: Без нашай зброі вы не пратрымаліся б і двух тыдняў
Стэнаграма рэзкай размовы Трампа, Вэнса і Зяленскага
Кіраўнік Дзярждэпа: Зяленскі павінен выбачыцца за тое, што ператварыў перамовы ў фіяска
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс9
Каментары
Усё слушна зрабіў. Назваў белае белым, чорнае чорным. Тэрарыста - тэрарыстам і гд.
Самае больш здзівіла як вэнс сказаў, што бачыў пра жахлівае становішча ва Украінн праз сторызы ў інсце. Блць, такі смешны чэл😅