Беларускія феміністкі Дар'я Афанасьева, Ірына Альхоўка і Юлія Міцкевіч атрымаюць нямецкую прэмію — 10 тысяч еўра
Сёння, 7 сакавіка, беларускія феміністкі і абаронцы правоў жанчын Дар'я Афанасьева, Ірына Альхоўка і Юлія Міцкевіч атрымаюць у Берліне жаночую прэмію імя Ганны Кляйн, якая была заснавана ў 2012 годзе нямецкім палітычным фондам імя Генрыха Бёля, піша Deutsche Welle.
«Дар'я, Ірына і Юлія ўвасабляюць асаблівую ролю жанчын у пратэстах з нагоды прэзідэнцкіх выбараў у Беларусі 2020 года. Пасля фальсіфікацыі выбараў Лукашэнкам яны ўзначалілі пратэсты за свабоду і дэмакратыю ў Беларусі летам 2020 года, якія мабілізавалі амаль мільён грамадзян краіны», — паведамляецца ў абгрунтаванні журы.
Прэмію назвалі ў гонар юрысткі і былой сенатаркі зямлі Берлін Ганны Кляйн, якая памерла ў 2011 годзе. Пераможцу выбірае журы з пяці чалавек.
Памер узнагароды, якая фінансуецца за кошт ахвяраванняў, складае 10 тысяч еўра.
Уручэнне прэміі адбудзецца 7 сакавіка а 19:00 паводле Берліна.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак18
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары