Жаночая тэнісная асацыяцыя (WTA) аб'явіла пра стварэнне фонду падтрымкі мацярынства. Ён заснаваны пры падтрымцы Дзяржаўнага інвестыцыйнага фонду Саудаўскай Аравіі, піша «Трыбуна».
Фонд будзе выплачваць тэнісісткам дапамогу па цяжарнасці і родах. Ім будуць даваць аплачаны дэкрэтны адпачынак працягласцю да 12 месяцаў, а таксама гранты на лячэнне бясплоддзя для стварэння сям'і і іншыя льготы.
Тэнісісткі, якія маюць права на ўдзел у праграме, павінны «мець добрую рэпутацыю ў адпаведнасці з правіламі WTA, антыдопінгавымі і антыкарупцыйнымі праграмамі тэніса». Яны маюць падаць заяўку і часова атрымаць спецыяльны рэйтынг.
Праграма цяпер даступная для больш чым 320 тэнісістак. На ўдзел у ёй могуць прэтэндаваць тыя, хто ўдзельнічаў у «пэўнай колькасці турніраў за канкрэтны перыяд часу» і атрымаў спецыяльны рэйтынг.
Праграма WTA Maternity Fund з'яўляецца часткай комплекснай праграмы WTA Family Focus, распрацаванай для таго, каб даць гульцам магчымасць сумяшчаць сямейнае жыццё з прафесійным спортам. Яна ўключае спецыяльныя рэйтынгі, якія абараняюць рэйтынгавую пазіцыю гульца падчас цяжарнасці і пасляродавага перыяду, дазваляючы ім вярнуцца на той жа ўзровень на працягу трох гадоў пасля родаў або на працягу двух гадоў пасля іншага спосабу бацькоўства, напрыклад, апякунства.
З моманту ўвядзення спецыяльных рэйтынгаў пасля вяртання з цяжарнасці ў 2019 годзе імі скарысталіся 50 тэнісістак.
Старэйшая дачка тэнісіста Максіма Мірнага паўдзельнічала ў паказе Армані ў Мілане
Першую ракетку свету дыскваліфікавалі на тры месяцы за допінг
Сабаленка з'явілася ў адным з самых дарагіх рэкламных ролікаў у свеце
Арына Сабаленка абвясціла пра хуткае завяршэнне кар'еры і стварэнне сям’і
Арына Сабаленка трапіла на вокладку аўстралійскага Harper's Bazaar
Каментары