Стала вядома пра смерць папулярнага кобрынскага тыктокера Івана Жука, вядомага пад псеўданімам ar_tiom0. У ноч на 25 красавіка яго не стала — ён выпаў з акна шматпавярховіка.
Пра смерць Івана паведаміў яшчэ адзін кобрынскі блогер Павел Дзмітрыеў:
«Кобрынская моладзь абмяркоўвае сумную падзею: не стала Івана, які падпісваўся ў сацсетках псеўданімам Арцём. Яго многія ведаюць, многія бачылі яго ролікі. Я з ім таксама запісваў інтэрв’ю. Ваня, R.I.P».
Некаторыя сталі складаць тэорыі пра суіцыд, маўляў, напярэдадні Ваня разышоўся з дзяўчынай, але большасць сяброў гэта адмаўляе: у хлопца было шмат планаў на жыццё, тое ж жаданне набраць у тыктоку мінімум 20 тысяч падпісантаў.
«Гэта быў няшчасны выпадак», — расказалі «Нашай Ніве» знаёмыя Івана.
У ноч на 25 красавіка Іван адпачываў разам з сябрамі, кампанія выпівала. Пасля гэтага Ваню правялі дадому. На развітанне хлопец хацеў памахаць таварышам са свайго акна і выпаў: гэта быў сёмы паверх, таму ён разбіўся насмерць.
Вядома, што Івана маці выхоўвала адна. У яго ёсць брат-блізнюк.
У тыктоку хлопец меў больш 11 тысяч падпісантаў. Самыя папулярныя яго ролікі набралі больш за чатыры мільёны праглядаў.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу24
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ4949
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ49
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары