Вайна77

«Самая вялікая праблема — маральны дух». Украінскія вайскоўцы ўжо адчулі адсутнасць амерыканскіх разведданых

Рашэнне ЗША прыпыніць абмен разведданымі з Украінай ужо мае свае наступствы на фронце і аслабляе пазіцыі прэзідэнта Украіны Уладзіміра Зяленскага перад верагоднымі перамовамі, паведамляе амерыканскі часопіс Time, спасылаючыся на пяць уплывовых крыніц ва Украіне і на Захадзе.

Эмблема амерыканскага Цэнтральнага разведвальнага ўпраўлення. Фота: Igor Golovniov/SOPA Images/LightRocket via Getty Images

«Наступства гэтай паўзы — сотні загінулых украінцаў», — сказаў ананімна адзін з афіцэраў у інтэрв'ю Time 7 сакавіка ў Кіеве.

«Самая вялікая праблема — маральны дух», — дадаў ён. Настрой падае, бо ўкраінская армія губляе некаторыя свае магчымасці ў вайне не праз дзеянні Расіі, а праз рашэнні ЗША.

Перад тым дарадца прэзідэнта ЗША па пытаннях нацыянальнай бяспекі Майк Уолц заявіў 5 сакавіка, што ЗША зрабілі «крок назад» у абмене звесткамі разведкі з Украінай. Яны дапамагалі Украіне планаваць наступленні супраць расійскіх сіл і давалі важную прэвентыўную інфармацыю пра пагрозы ад расійскіх ракет і дронаў.

Крыніца Time ва ўкраінскім урадзе пацвердзіла, што аперацыі ў раёне Курска больш за ўсё пацярпелі ад страты доступу да разведданых ЗША.

Шэраг украінскіх СМІ і вайскоўцаў 7 сакавіка паведамілі, што расіяне здолелі прасунуцца на Куршчыне да важнай трасы забеспячэння Сумы — Суджа з усходу і паставілі пад пагрозу акружэння ўкраінскія войскі на расійскай тэрыторыі. Пра гэта таксама паведаміў рэсурс Deepstate. Сёння наступленне працягнулася і можа мець для ўкраінскіх падраздзяленняў катастрафічныя вынікі, хоць яны і спрабуюць стабілізаваць сітуацыю.

Акрамя таго, украінскія вайскоўцы маюць менш магчымасцяў выяўляць набліжэнне расійскіх бамбавікоў і іншых вайсковых самалётаў, калі тыя ўзлятаюць унутры Расіі. Як вынік, часу, каб папярэдзіць насельніцтва і вайскоўцаў пра авіяўдары ці ракеты, цяпер значна менш.

Таксама даныя амерыканскай разведкі дазвалялі УСУ наносіць удары па расійскіх цэлях на далёкія і сярэднія адлегласці, у прыватнасці з выкарыстаннем HIMARS. Разам з HIMARS у 2022 годзе ЗША пачалі адпраўляць разведвальныя дадзеныя з амерыканскіх спадарожнікаў, якія дазвалялі біць па расійскіх камандных цэнтрах далёка за лініяй фронту. Цяпер гэтая магчымасць таксама фактычна страчаная.

Акрамя таго, кампанія касмічных тэхналогій Maxar Technologies перастала дасылаць Украіне выявы са сваіх спадарожнікаў, якія выкарыстоўвалі для планавання ўдараў углыб Расіі. У пісьмовым адказе на запыт выдання Maxar Technologies пацвердзіла прыпыненне выдачы даных Украіне.

Каментары7

  • Імя
    09.03.2025
    Ёсць жа спутнік Прытулы , у вас гугал забаранілі ці што? Па-першае, спадарожнікі бываюць розных тыпаў. Па-другое, адзін спадарожнік не можа выдаваць выявы ці разведданныя 24/7. Адзін гэта добра, ён нейкі час на працягу сутак робіць патрэбныя здымкі, калі пралятае над патрэбнай тэрыторыяй, але падчас такой інтэнсіўнай вайны гэтага проста не дастаткова, таму каб пакрыць 24/7, патрэбная цэлая групоўка спадарожнікаў.
  • (*"
    09.03.2025
    Няхай будзе пракляты кожны хто спыніў дапамогу Украіне.
  • Никогда не поверил бы, что увижу, как памяркоуные лижут украинский сапого
    09.03.2025
    [Рэд. выдалена]

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць