Далі новыя даты, але не ўсім. Працяг гісторыі з адменамі запісаў на нямецкі шэнген
На мінулым тыдні паведамлялася пра нечаканыя адмены запісаў на візу ў пасольства Германіі, якія атрымалі некаторыя беларусы. Сваёй сітуацыяй з Onliner.by падзялілася мінчанка Алена, а таксама не менш чым пра дзесяць падобных выпадкаў паведаміў адміністратар найбуйнейшага чата ахвотных атрымаць шэнгенскую візу ў немцаў.
Пасля выхаду нататкі ў рэдакцыю звярнуліся яшчэ некалькі чалавек з аналагічнай праблемай: камусьці адмянілі запіс нават на дзелавую візу.
Беларусы, засмучаныя такім паваротам падзей пасля 10—12 месяцаў чакання, меркавалі, што мае месца збой у сістэме. Пасольства сцвярджала, што заяўнікі проста не пацвердзілі свой візіт, пасля чаго заяўка аўтаматычна анулявалася. На запыт ад журналіста прадстаўнікі дыпмісіі не адказалі.
У выніку гераіня папярэдняй нататкі Алена падзялілася добрай навіной: пасольства ўсё ж такі прызначыла ёй новую дату падачы — у чэрвені. Першапачаткова дзяўчына павінна была падаваць дакументы на шэнген у красавіку.
«Я пакінула новую заяўку і атрымала дату ўжо на наступны дзень. Адразу ж яе пацвердзіла і на гэты раз зрабіла скрыншоты ўсіх старонак», — кажа Алена.
Дзяўчына мяркуе, што ў яе выпадку магло дапамагчы тое, што з пасольствам звязалася нямецкая культурная арганізацыя, якая яе запрашала. Хоць яе прадстаўнікі таксама атрымлівалі толькі стандартныя «адпіскі» з візавага аддзела.
Сітуацыі астатніх беларусаў, якія сутыкнуліся з адменай запісу, пакуль не вырашыліся. Аляксей, адміністратар візавага чата, распавёў, што звязваўся з чатырма людзьмі — нікому новую дату не прызначылі. Аднак у адной з заяўніц на старонцы з пацвярджэннем замест паведамлення аб адмене стала адлюстроўвацца першапачатковая дата, але са змененым часам візіту.
Офіс Ціханоўскай: Гуманітарныя візы павінны выкарыстоўвацца строга па прызначэнні
Краіны Еўрасаюза ўзгаднілі запуск новай сістэмы ўезду і выезду ў Шэнгенскую зону
Польскае МЗС пастрожыла падыходы да выдачы гуманітарных віз беларусам
Беларусам, якія атрымалі грэчаскі шэнген, сталі часта тэлефанаваць з консульства
Каментары