Крэмль паведаміў пра перададзеныя Пуціным спецпасланніку Трампа сігналы
Спецпасланнік прэзідэнта ЗША Стыў Уіткаф напярэдадні, 13 сакавіка, сустрэўся з расійскім лідарам Уладзімірам Пуціным, паведаміў Дзмітрый Пяскоў, піша РБК.
Паводле слоў Пяскова, Пуцін прыняў Уіткафа ў Крамлі позна ўвечары. Прадстаўнік Вашынгтона перадаў «дадатковую інфармацыю» расійскаму боку, а Пуцін, у сваю чаргу, перадаў праз Уіткафа «дадатковыя сігналы» для прэзідэнта ЗША Дональда Трампа, распавёў ён.
Пяскоў таксама пракаментаваў словы дарадцы Трампа па нацыянальнай бяспецы Майка Уолца аб тым, што перспектывы ўрэгулявання канфлікту ва Украіне можна ўспрымаць з «асцярожным аптымізмам».
«Безумоўна, ёсць падставы адчуваць асцярожны аптымізм», — сказаў прэс-сакратар расійскага прэзідэнта, адзначыўшы, што яшчэ «шмат чаго трэба зрабіць».
Пра запланаваную сустрэчу Уіткафа з Пуціным пасля перамоў дэлегацый ЗША і Украіны ў Джыдзе паведамляў Bloomberg. У Крамлі абяцалі «своечасова праінфармаваць», калі іх сустрэча адбудзецца. «Ізвестія» паведамілі, што Уіткаф пабываў у Маскве ў будынку амерыканскага пасольства, правёў там каля гадзіны і прамовіў падзякавальную прамову на англійскай мове.
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»5
Каментары