Трамп падпісаў указ аб значных скарачэннях на «Радыё Свабода» і яшчэ шасці навінавых карпарацыях
Прэзідэнт ЗША Дональд Трамп падпісаў указ, накіраваны на скарачэнне сямі федэральных агенцтваў, у тым ліку Агенцтва ЗША па глабальных медыя (USAGM), паведамляе Радыё Свабода.
Указ, падпісаны познім вечарам 14 сакавіка, таксама закранае агенцтвы, якія займаюцца пытаннямі бяздомнасці, працоўных спрэчак і развіцця мясцовых супольнасцей.
«На працягу 7 дзён з даты падпісання гэтага ўказа кіраўнік кожнай з пералічаных [у дакуменце] дзяржаўных устаноў павінен падаць дырэктару Адміністрацыйна-бюджэтнага ўпраўлення справаздачу, якая пацвярджае поўнае выкананне ўказа, а таксама тлумачыць, якія падраздзяленні або функцыі гэтай установы з'яўляюцца прадпісанымі законам і ў якой ступені», — гаворыцца ў тэксце ўказа.
USAGM — гэта незалежнае дзяржаўнае агенцтва ЗША, якое ажыццяўляе вяшчанне навін і інфармацыйных праграм амаль на 50 мовах для аўдыторыі прыкладна 361 мільён чалавек кожны тыдзень.
Бюджэтны запыт USAGM на 2025 фінансавы год склаў 950 мільёнаў даляраў, што павінна пакрыць усе яго аперацыйныя выдаткі і капітальныя ўкладанні.
У бюджэт уваходзяць медыяплатформы:
- Радыё Свабода/Радыё Свабодная Еўропа (RFE/RL)
- «Голас Амерыкі»
- «Радыё Свабодная Азія»
- Офіс радыёвяшчання на Кубу (Radio Martí)
- Блізкаўсходнія радыёвяшчальныя сеткі (MBN)
- Фонд адкрытых тэхналогій
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
-
«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі5
Каментары
Мабыць, ЗША і перахварэюць гэтай хваробай і палепшаць "імунітэт". Але ламаць не будаваць - узнаўляцца гэта ўсё будзе доўга і не адразу.
І момант зараз найгоршы ў часе. Для Беларусі ў тым ліку.
У артыкуле не дапісана, што пад скарачэнне ідуць і 6 іншых сэрвісаў, у тым ліку Інстытут музейных і бібліятэчных паслуг (ISML). Гісторыя і архівы тыранам не патрэбныя.