Музыка2020

Знайшоўся гурт, які плануе сабраць «Мінск-Арэну» чатыры разы запар. І ўжо амаль зрабіў гэта

Дзясяткі тысяч квіткоў на канцэрце ў маі і чэрвені ўжо распрададзеныя.

Сяргей Жукаў. Фота: kvitki.by

Расійскі гурт «Руки вверх», які быў шалёна папулярны ў дзевяностыя, збіраецца пабіць рэкорд ANNA ASTI. Раней толькі ў гэтай украінскай спявачкі з расійскім пашпартам атрымлівалася тройчы запар сабраць «Мінск-Арэну».

Квіткі на канцэрты «Руки вверх» 30 і 31 мая ўжо цалкам распрададзеныя. На канцэрт, які адбудзецца 2 чэрвеня, таксама амаль усё раскупілі: засталося каля сотні квіткоў.

Падчас спартыўных мерапрыемстваў «Мінск-Арэна» змяшчае на трыбунах 15086 чалавек. На канцэртах сітуацыя трохі змяняецца — на месцы, якія знаходзяцца за сцэнай, квіткі не прадаюцца, затое дадаецца танцпол. Аднак лічыцца, што ў выніку трапіць на канцэрт могуць плюс-мінус тыя ж 15 тысяч чалавек.

Такім чынам, на «Руки вверх» ужо прададзена амаль 45 тысяч квіткоў.

«Мы зноў падорым вам рамантыку сустрэч, дзе ён цябе цалуе і кажа, што кахае, дзе студэнт цацку новую знайшоў, а па шырокай сцежцы праскакалі каўбоі. 18 вам ужо, а значыць, можна адарвацца не па-дзіцячы пад любімыя хіты», — пішуць у рэкламе.

Пабачыўшы шалёны попыт, арганізатары тэрмінова дадалі яшчэ адзін канцэрт — 3 чэрвеня. Каштуюць квіткі нятанна: ад 90 да 297 рублёў, але гэта беларусаў не спыняе. Нават самыя дарагія пакупаюць вельмі актыўна.

Нагадаем: з самага пачатку поўнамаштабнай вайны ва Украіне Сяргей Жукаў, саліст гурта «Руки вверх», абраў пазіцыю «я па-за палітыкай».

У сакавіку 2022 года артыст апублікаваў у сваім інстаграме пост пра вайну з пасылам «не ўсё так адназначна»: «Я, як і ўсе вы, гляджу за тым, што адбываецца. І бачу і ведаю тое самае, што і вы. Я не палітык, не журналіст, не палітолаг. Я — музыка. Так, у мяне вялікая аўдыторыя, але гэта тым больш азначае вялікую адказнасць. За кожнае маё слова. Цяпер столькі валіцца інфармацыі, з усіх бакоў, што проста браць і распаўсюджваць яе, не маючы магчымасці праверыць, — я так не буду рабіць… Адчуванне, што ўсе адно аднаго ненавідзяць. Хэйт, абразы, нянавісць. Так нельга! Ну мы ж усё ў першую чаргу людзі! Спыніцеся, ну праўда!».

Больш за ўсё тады Сяргею было шкада расійскіх паралімпійцаў, якіх адхілілі ад удзелу ў міжнародных спаборніцтвах.

Аднак усяго праз некалькі тыдняў грамадзянская пазіцыя Сяргея Жукава стала відавочнай. Ён выступіў у Лужніках на канцэрце ў гонар акупацыі Крыма.

Потым Сяргей Жукаў трапіў у скандал праз тое, што ў яго бар «Руки вверх» у Краснадары не пусцілі чалавека ў камуфляжы, які называў сябе ўдзельнікам вайны. Артыст публічна выбачыўся і заявіў, што ў яго бары «абаронцам айчыны заўсёды рады».

Каментары20

  • Забирай меня скорей
    18.03.2025
    Увози за сто морей
  • Крошка не мая
    18.03.2025
    Жукаў выступае на пуцінскіх z-балаганах. Я любіў яго песні, але пасля таго, як ён пачаў зігаваць, ён для мяне перастаў існаваць.
  • Жора
    18.03.2025
    Хэндэ хох, усё могуць. Прывозьце Taylor Swift, The Weeknd, Coldplay і іншых, будзе поўная арэна. Можна нават старычкоў, Металіку, Мадону ды Рамштайн.

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку17

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У Тураве збіраюцца за два мільёны рэканструяваць невялікі мост цераз канал

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС24

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку17

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць