Музыка1111

«Тры гадзіны адстаяла ў віртуальнай чарзе!» У продаж паступілі першыя квіткі на Viva Braslav — і ўжо скончыліся

Увечары ў панядзелак у продажы з'явіліся першыя квіткі на адзін з самых маштабных музычных фестываляў Беларусі — Viva Braslav — 2025. Імёны артыстаў яшчэ невядомыя, цэны кусаюцца — але раскупілі ўсё за лічаныя гадзіны. А нехта нават адстаяў віртуальную чаргу!

Скрыншот відэа ў інстаграме фестывалю Viva Braslav

Сваім досведам у інстаграме падзялілася вядомая беларуская педыятарка-блогерка Анастасія Дзераўкова. Сёлета яна наведала Viva Braslav і засталася вельмі задаволеная: «Гэта найлепшая сцэна Беларусі. Найлепшае святло, найлепшы гук. І самае лепшае, што было з намі за лета 2024 года». Тады педыятарка набывала дарагія квіткі ў апошні момант, бо была няўпэўнена ў планах, цяпер жа чакала першай хвалі продажу, каб не пераплачваць.

Каб набыць квіткі на музычны фестываль, блогерцы прыйшлося правесці ў віртуальнай чарзе каля 3 гадзін:

— Вы калі-небудзь стаялі ў віртуальнай чарзе па віртуальныя квіткі? 21 стагоддзе, ногі стаміліся стаяць, — пажартавала Анастасія.

Нехта з яе падпісчыкаў напісаў, што стаяў у той самай чарзе і жартам пашкадаваў, што не атрымалася пабачыцца.

Трэба адзначыць, што цэны квіткоў выраслі ў параўнанні з мінулым годам. Летась цэны стартавалі ад 99 рублёў (за 2 дні фестывалю) і даходзілі да 345 за віп-варыянт, цяпер жа самы танны квіток «стандарт» каштаваў 125 рублёў, VIP — 490 рублёў.

Пры гэтым імёны артыстаў, якія выступяць на Viva Braslav — 2025, пакуль невядомыя. Але ж нятанныя VIP-квіткі раскупілі, калі меркаваць па інстаграме фестывалю, усяго за 2 гадзіны. Стандартныя — за 16 гадзін.

У будучым будзе яшчэ тры хвалі продажу квіткоў: чым бліжэй да мерапрыемства, тым яны даражэйшыя. Сам музычны фестываль у Браславе ў 2025 годзе пройдзе 25-27 ліпеня.

Каментары11

  • Viva la presidente
    24.12.2024
    "Любит наш народ всякое г*вно"
  • Тупенькія ціктокеры
    24.12.2024
    Гэта, напэўна, тыя ж невераятныя рускамоўныя ціктокеры, якім не хапіла квіткоў на каржа.
  • Як е
    24.12.2024
    Золото лежить віками
    Втоптане самими нами ж
    І, поки йдемо не своїми вогнями
    Не бачимо цих скарбів під ногами

Цяпер чытаюць

Трамп паверыў у поўную перамогу Украіны26

Трамп паверыў у поўную перамогу Украіны

Усе навіны →
Усе навіны

Як фаварыткі Лукашэнкі зарабляюць у б’юці-сферы12

Лукашэнка распытаў Турчына пра касякі ўрада19

Закрыццё беларуска-польскай мяжы заблакавала больш за 130 цягнікоў з Кітая ў Еўропу5

Беларус у ЗША стаў рабом без дакументаў і шукае спосаб вярнуцца дадому20

Дубай стаў новай сусветнай сталіцай OnlyFans9

Фядута ходзіць з кіёчкам і з суправаджэннем, яго часта вывозяць у Рэспубліканскі турэмны шпіталь — сэрца5

«Самая няўдалая віза для іміграцыі». Ці хвалююцца айцішнікі з-за новага ўказа Трампа?5

Вызвалены відэааператар «Белсата» Вячаслаў Лазараў: Каб абараніць жонку, браў усю віну на сябе. Але і яе пакінулі ў СІЗА

У Магілёве дзед у кавярні даў кіем па галаве мужчыну, што груба і гучна сварыўся з жонкай4

больш чытаных навін
больш лайканых навін

Трамп паверыў у поўную перамогу Украіны26

Трамп паверыў у поўную перамогу Украіны

Галоўнае
Усе навіны →

Заўвага:

 

 

 

 

Закрыць Паведаміць